کراچی، توہین مذہب کے الزام میں ہندو شہری کو گرفتار کرلیا گیا، مقدمہ درج

کراچی:شہر قائد میں پولیس نے کارروائی کرتے ہوئے توہین مذہب کے الزام میں پاکستان پینل کوڈ کی دفعہ 295۔اے کے تحت نامعلوم افراد کے خلاف مقدمہ درج کرکے بھیم پورہ کے علاقے سے ایک شخص کو گرفتار کرلیا۔

تفصیلات کے مطابق نیپیئر پولیس اسٹیشن کے افسر کا کہنا ہے کہ توہین مذہب کے الزام میں ایک 33 سالہ ہندو شہری کو حراست میں لیا گیا ہے، ملزم سے مزید تحقیقات جاری ہیں۔

پی پی سی کی دفعہ 295۔A ”کسی بھی طبقے کے مذہب یا مذہبی عقائد کی دانستہ اور بدنیتی پر مبنی توہین آمیز کارروائیوں“ سے متعلق ہے۔ جس پر جرمانہ اور دس سال قید یا دونوں سزائیں دی جاسکتی ہیں۔

Another day another #Hindu temple vandalized in Lee Market, Karachi by angry mob.

This is another day, our PM & CM will condemn this incident & reiterate minorities have equal rights.

This is another day, we wait for another day for such another incident.

Just another day. pic.twitter.com/6AnBA7fPCU

— Kapil Dev کپل دیو (@KDSindhi) November 2, 2020

مذکورہ واقعے کا مقدمہ ایک 24 سالہ نوجوان عاقب کی مدعیت میں درج کیا گیا ہے، نوجوانوں کی جانب سے نامعلوم افراد پر توہین مذہب کا الزام لگنے کے بعد اتوار کی رات ہندو مندر کے ارد گرد سیکڑوں افراد جمع ہوگئے۔پولیس نے موقع پر پہنچ کر معاملہ ٹھنڈا کرادیا تھا۔

ایک شخص نے نام ظاہر نہ کرنے کی شرط پر بتایا کہ بعض افراد مندر میں داخل ہوئے اور مندر میں موجود مورتیوں کو نقصان پہنچایا۔ اُس شخص کے مطابق 2 دیگر افراد کو بھی حراست میں لیا گیا ہے۔

اسی تناظر میں ایک ویڈیو شیئر کی گئی ہے، جس میں دیکھا جاسکتا ہے کہ مندر کے باہر کچھ لوگ کھڑے ہوئے ہیں، انہوں نے حالات پر قابو پانے کیلئے آنے والی پولیس کی موبائل کا بھی گھیراؤ کیا ہوا ہے۔