گوگل نیوز پر ہمیں فالو کریںراولپنڈی: چیف آف آرمی اسٹاف جنرل قمر جاوید باجوہ نے نئے امیر البحر ایڈمرل امجد خان نیازی سے ملاقات کی جس کے دوران عہدہ سنبھالنے پر گارڈ آف آنرپیش کیا گیا۔
پاک فوج کے شعبۂ تعلقاتِ عامہ (آئی ایس پی آر) کے مطابق چیف آف نیول اسٹاف ایڈمرل امجد خان نیازی نے آرمی چیف جنرل قمر جاوید باجوہ سے ملاقات کی جس کے دوران پیشہ ورانہ امور پر تبادلۂ خیال ہوا۔
آرمی چیف جنرل قمر جاوید باجوہ نے عہدہ سنبھالنے پر امیر البحر ایڈمرل امجد خان نیازی کو مبارکباد دی اور پاک فوج کے چاک و چوبند دستے نے گارڈ آف آنر پیش کیا۔نئے نیول چیف نے یادگارِ شہداء پر حاضری دی۔
یادگارِ شہداء پر امیر البحر ایڈمرل امجد خان نیازی نے پھول چڑھائے، فاتحہ خوانی اور شہداء کے ایصالِ ثواب کیلئے دعا کی۔ آرمی چیف جنرل قمر جاوید باجوہ نے کہا کہ نئے نیول چیف کی قیادت میں پاک بحریہ ترقی کی نئی منازل طے کرے گی۔
یاد رہے کہ اِس سے قبل پاک بحریہ کے نئے سربراہ ایڈمرل امجد خان نیازی نے نیول چیف کے طور پر کمان سنبھال لی جبکہ سابق نیول چیف اپنے عہدے سے سبکدوش ہو گئے۔
ایڈمرل محمد امجد خان نیازی پاکستان نیوی کے 22ویں سربراہ ہیں، کمانڈ کی تبدیلی کی پروقار تقریب نیول ہیڈ کوارٹر پی این ایس ظفر میں 3 روز قبل ہوئی جہاں بحریہ کے چاق و چوبند دستے نے سبکدوش چیف ظفر محمود عباسی کو گارڈ آف آنر پیش کیا۔
مزید پڑھیں: ایڈمرل امجد خان نیازی نے پاک بحریہ کی کمان سنبھال لی
