گوگل نیوز پر ہمیں فالو کریںواشنگٹن: سابق امریکی صدر بارک اوباما نے اعتراف کیا ہے کہ موجودہ امریکی صدارتی امیدوار جو بائیڈن نے انہیں امریکی قوم کیلئے ایک بہتر صدر بنایا۔
سماجی رابطے کی ویب سائٹ ٹوئٹر پر اپنے پیغام میں سابق امریکی صدر بارک اوباما نے کہا کہ صدارتی امیدوار جو بائیڈن نے مجھے ایک بہتر صدر بنایا، میں امریکی قوم سے درخواست کرتا ہوں کہ جو بائیڈن اور نائب صدارتی امیدوار کمالا حسن کی صلاحیت پر بھروسہ کرتے ہوئے امریکا کو ایک بہتر ملک بنائیں۔
سابق امریکی صدر بارک اوباما نے کہا کہ زیادہ اہم یہ ہے کہ آپ اپنے آپ پر بھروسہ کرتے ہوئے جو بائیڈن اور کمالا کی مدد کریں جو موجودہ الیکشن اور اس کے بعد بھی ان کیلئے اہم ہے۔ موجودہ صدر ٹرمپ کے مقابلے میں جو بائیڈن کا ساتھ دیں۔
.@JoeBiden made me a better president. I’m asking you to believe in his and Kamala’s ability to help make us a better country. More importantly, I’m asking you to believe in your own and to help them, in this election and beyond. https://t.co/YYEAFxx4nW
— Barack Obama (@BarackObama) August 20, 2020
یاد رہے کہ اِس سے قبل امریکا کی مرکزی سیاسی جماعت ڈیموکریٹس نے جو بائیڈن کو امریکی صدر ڈونلڈ ٹرمپ کے مقابلے میں نیا صدارتی امیدوار نامزد کردیا جس سے ٹرمپ ناخوش نظر آئے۔
جو بائیڈن کو باضابطہ طور پر صدارتی امیدوار نامزد کرنے کیلئے منظوری جمہوری قومی کنونشن (ڈیموکریٹک نیشنل کنونشن) میں دی گئی۔ صدارتی انتخاب رواں برس نومبر میں ہوگا۔
مزید پڑھیں: ڈیموکریٹس نے جو بائیڈن کو صدارتی امیدوار نامزد کردیا
