کراچی: وفاقی وزیر برائے بحری امور علی حیدر زیدی نے کہا ہے کہ وزیرِ اعظم عمران خان شہرِ قائد کو پاکستان پیپلز پارٹی (پی پی پی) کی سندھ حکومت کے ہاتھوں تباہ و برباد نہیں ہونے دیں گے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر علی زیدی نے کہا کہ وزیرِ اعظم عمران خان نے یہ فیصلہ کیا کہ نیشنل ڈیزاسٹر مینجمنٹ اتھارٹی (این ڈی ایم اے) کو کراچی کی صفائی کیلئے بھیجا جائے۔
پیغام میں وزیرِ بحری امور نے کہا کہ وزیرِ اعظم کا مون سون بارشوں کے اگلے راؤنڈ سے قبل این ڈی ایم اے کو کراچی بھیجنے کے فیصلے سے ظاہر ہے کہ وزیرِ اعظم ملک کے معاشی دِل (کراچی) کی تباہی نہیں ہونے دیں گے۔
وفاقی وزیرِ علی حیدر زیدی نے کہا کہ وفاقی حکومت کا فیصلہ یہ ظاہر کرتا ہے کہ وزیرِ اعظم عمران خان کراچی کی پیپلز پارٹی کی غفلت کے ہاتھوں تباہی نہیں ہونے دیں گے۔
PM @ImranKhanPTI decision to send NDMA to clean up Karachi before the next round of monsoon rains shows that he won’t allow Pakistan’s economic heart to be destroyed by PPP’s criminal neglect #PMIKStandsWithKarachi
— Ali Haider Zaidi (@AliHZaidiPTI) August 4, 2020
وزیرِ بحری امور علی حیدر زیدی نے کہا کہ این ڈی ایم اے اور فرنٹیئر ورکس آرگنائزیشن (ایف ڈبلیو او) کو کراچی کے برساتی نالوں کی صفائی کا کام سونپنے سے پیپلز پارٹی پر فردِ جرم عائد ہوتی ہے۔
انہوں نے کہا کہ پیپلز پارٹی نے 12 سال سے زائد سندھ پر بدانتظامی پر مبنی حکومت کی جو کچرا اٹھانے اور بارش کے پانی سے ہونے والے نقصانات سے بچانے جیسے بنیادی کام بھی کرنے کی اہل نہیں۔
Sending the NDMA & FWO to clean storm drains & nullahs is a clear indictment of 12+ years of PPP misrule & crappy governance that it can’t even do the basics like trash collection & rainwater management#PMIKStandsWithKarachi
— Ali Haider Zaidi (@AliHZaidiPTI) August 4, 2020
یاد رہے کہ اِس سے قبل کراچی میں بارش کے بعد حفاظتی اقدامات کے طور پر بڑے پیمانے پر نالہ صفائی مہم شروع کردی گئی جس کا مقصد شہر کو آئندہ بارش کے دوران ڈوبنے سے بچانا ہے۔
پاکستان آرمی اور فرنٹیئر ورکس آرگنائزیشن (ایف ڈبلیو او) کی ٹیمیں صفائی کیلئے گزشتہ روز کراچی کے سب سے اہم برساتی نالے پر پہنچ گئیں تاکہ گجر نالے پر شہری انتظامیہ کی صفائی مہم میں امداد دی جائے۔
مزید پڑھیں: کراچی میں بڑے پیمانے پرنالہ صفائی مہم شروع کردی گئی