گوگل نیوز پر ہمیں فالو کریںکراچی :پولیس کی بر وقت کارروائی ، شرافی گوٹھ تھانے کی حدود میں اقبال باغیچہ کے قریب غیر قانونی تعمیرات اورقبضہ میں ملوث لینڈ مافیا کے 3کارندے گرفت میں آگئے۔
گرفتار ملزمان میں منور ولد بھانو،جاوید ولد بادشاہ گل اور سدھیر ولد ودان شامل ہیں، ملزمان سرکاری اراضی پر قبضے کر کے ان پر غیر قانونی تعمیرات کرتے تھے اور معصوم شہریوں کو جعلی دستاویزات کی بنیاد پر فروخت کر دیتے تھے۔
ملزمان اس سے قبل ملیر ضلع میں مختلف مقامات پر قبضے کرنے کے لیے ایک منظم گروہ کی شکل میں کارروائیاں کرتے تھے، ملزمان نے اس سے قبل بھی کئی مقامات پر سرکاری اراضی ٹھکانے لگائی ہے اور کروڑوں روپے کا سرکاری خزانے کو نقصان پہنچایا ہے۔
اقبال باغیچہ کے قریب ملزمان قبضہ کرنے اور غیر قانونی تعمیرات میں مصروف تھے کہ شرافی گوٹھ پولیس نے اطلاع ملنے پر بر وقت کارروائی کر کے 3 ملزمان کو رنگے ہاتھوں گرفتار کر لیا جبکہ ان کا ایک ساتھی حاجی نذیر فرارہونے میںکامیا ب ہو گیا۔
شرافی گوٹھ پولیس کا کہنا ہے کہ گرفتار ملزم حاجی نذیر کی گرفتاری کے لیے چھاپے مارنا شروع کر دیے ہیں۔
شرافی گوٹھ پولیس کا کہنا ہے کہ ایس ایس پی ملیرعرفان بہادر کی ہدایت پر غیر قانونی قبضوں اور تعمیرات کے خلاف کاروائی کی گئی ہے اور ان کی ہدایات کے تحت کسی بھی جگہ غیر قانونی تعمیرات یا قبضہ نہیں ہونے دیں گے۔
مزید پڑھیں:ابراہیم حیدری میں دہشت کی علامت نزاکت ساتھیوں سمیت گرفتار
