گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے کہا ہے کہ مقبوضہ جموں و کشمیر پر بھارتی قبضہ غیر قانونی ہے جبکہ مظلوم کشمیری مسلسل نسل در نسل جدوجہدِ آزادی میں شہید ہو رہے ہیں۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ آج یومِ شہدائے کشمیر کے موقعے پر مظلوم کشمیریوں کی غاصب بھارت کے غیر قانونی قبضے کے خلاف مسلسل جدوجہد کو سلام پیش کرتے ہیں۔
پیغام میں وزیرِ اعظم عمران خان نے کہا کہ 13جولائی 1931ء کے شہداء موجودہ جدوجہدِ آزادئ کشمیر کے اجداد کہے جاسکتے ہیں کیونکہ آزادی کی جدوجہد کی بنیاد اسی دن رکھی گئی۔
Today, on Yaum-e-Shuhada-e-Kashmir, we salute Kashmiris for their continued struggle against the illegal & barbaric Indian occupation of Jammu & Kashmir. The Shuhada of 13 July 1931 were the forefathers of today's Kashmiri resistance.
— Imran Khan (@ImranKhanPTI) July 13, 2020
جدوجہدِ آزادی کو سراہتے ہوئے وزیرِ اعظم عمران خان نے کہا کہ نسل در نسل مظلوم کشمیری عوام آزادی کیلئے جان دیتے رہے اور آج وہ ہندوتوا کی پیروکار فاشسٹ مودی حکومت سے ٹکرا رہے ہیں۔
وزیرِ اعظم عمران خان نے کہا کہ بھارتی حکومت کشمیریوں کی شناخت ان سے چھیننا چاہتی ہے جس کیلئے غیر قانونی آباد کاری کا منصوبہ بنایا گیا تاکہ مظلوم حریت پسندوں کو ان کی شناخت سمیت ان کے وطن سے نکال دیا جائے۔
Their descendants have, generation after generation, laid down their lives for freedom and today they continue to valiantly fight & defy a Hindutva Supremacist regime bent on demographic engineering to wipe out the Kashmiri people & their identity.
— Imran Khan (@ImranKhanPTI) July 13, 2020
کشمیریوں سے یکجہتی کا اظہار کرتے ہوئے وزیرِ اعظم نے کہا کہ پاکستان نے ہمیشہ کشمیریوں کے حقِ خود ارادیت کی جدوجہد میں ان کا ساتھ دیا اور ہم آزادئ کشمیر تک مظلوم حریت پسندوں کا ساتھ دیتے رہیں گے۔
انہوں نے کہا کہ ہم اُس دن تک مظلوم کشمیریوں کا ساتھ نہیں چھوڑیں گے جب تک کشمیر بھارت کے غیر قانونی قبضے سے آزاد نہیں ہوجاتا اور وہ دن اِتنا دُور نہیں ہے۔
Pakistan has always stood steadfast for the Kashmiri right to self-determination and will continue to support this just struggle till IOJK is liberated from the clutches of Indian illegal occupation. That day is not far.
— Imran Khan (@ImranKhanPTI) July 13, 2020
یاد رہے کہ اس سے قبل وزیرِ خارجہ شاہ محمود قریشی نے یومِ شہدائے کشمیر کے موقعے پر اپنے پیغام میں کہا کہ میں مقبوضہ وادی کے 22 شہداء کی عظمت کو سلام پیش کرتا ہوں۔
ٹوئٹر پر اپنے پیغام میں وزیرِ خارجہ شاہ محمود قریشی نے کہا کہ میں جموں و کشمیر کے ان 22 بیٹوں کو خراجِ تحسین اور سلام پیش کرتا ہوں جو ظالم ڈوگرہ فوجیوں کے سامنے سینہ سپر رہے۔
مزید پڑھیں: مقبوضہ وادی کے 22 شہداء کو سلام پیش کرتا ہوں۔شاہ محمود قریشی
