پاکستان میں مذہبی امتیاز اور فرقہ وارانہ منافرت بڑے پیمانے پر موجود ہے۔حمزہ علی عباسی

پاکستانی فلم اور ڈرامہ انڈسٹری کے فنکار حمزہ علی عباسی نے کہا ہے کہ وطنِ عزیز میں مذہبی امتیاز اور فرقہ وارانہ منافرت بڑے پیمانے پرموجود ہے۔

سماجی رابطے کی ویب سائٹ ٹوئٹر پر اپنے پیغام میں اداکار حمزہ علی عباسی نے کہا کہ پاکستان کوئی شاہی سلطنت نہیں بلکہ ایک جمہوری ملک ہے اور ہم مسلمانوں نے پاکستان کو فتح نہیں کیا تھا۔

اداکار حمزہ علی عباسی نے کہا کہ پاکستان کو ایک مسلم اکثریتی ریاست کہا جاسکتا ہے اور 14 اگست 1947 کو جب پاکستان معرضِ وجود میں آیا، ہم اس کی حدود میں رہائش پذیر ہوئے۔

حمزہ علی عباسی نے کہا کہ پاکستانی قوم نے 1947ء میں وطنِ عزیز میں یہ بات تسلیم کرتے ہوئے رہائش اختیار کی کہ ہم سب یہاں مساوی حقوق رکھنے والے شہری ہیں۔

انہوں نے کہا کہ مزید منافقت قبول نہیں، میں تسلیم کرتا ہوں کہ پاکستان میں مذہبی امتیاز بڑے پیمانے پر موجود ہے جس کی حقیقت سے انکار نہیں کیا جاسکتا۔ 

Pakistan is not an empire/kingdom. We Muslims didnt CONQUER Pakistan, we are a Muslim Majority Nation State. On 14th August 1947 every 1 who resided in the boundary of PAK BECAME AN EQUAL CITIZEN. No more hypocrisy, i admit tht thr is massive religious discrimination in Pakistan.

— Hamza Ali Abbasi (@iamhamzaabbasi) July 3, 2020

یاد رہے کہ اس سے قبل مشہور فنکار حمزہ علی عباسی نے کہا کہ نسل پرستی انسان کی بنائی ہوئی چیزوں میں سب سے زیادہ قابلِ نفرت ہے۔

ٹوئٹر پر1 ماہ قبل  اپنے پیغام میں اداکار حمزہ علی عباسی نے کہا کہ نسل پرستی نہ صرف قابلِ نفرت بلکہ بلا جواز بھی ہے جبکہ کسی شخص کو نسل کی بنیاد پر پسند کرنا یا اس سے نفرت کرنا باعثِ تشویش ہے۔

مزید پڑھیں: نسل پرستی  سب سے قابلِ نفرت ہے۔حمزہ علی عباسی