کراچی کے علاقے سکندر آباد میں ٹک ٹاک ویڈیو بناتے ہوئے گولی چل گئی، نوجوان جاں بحق

شہرِقائد میں ٹک ٹاک کی ویڈیو بنانے کے شوق نے ایک اور نوجوان کی جان لےلی۔ویڈیو بناتے ہوئے گولی چلنے کے باعث نوجوان جاں بحق ہو گیا ہے۔

یہ افسوسناک واقعہ کراچی کے علاقے سکندر آباد میں پیش آیا جہاں اپنے والد کی پستول سے ٹک ٹاک کی ویڈیو بنانے والے نوجوان کویہ معلوم نہیں تھا کہ پستول میں گولی موجود ہے۔

ٹک ٹاک ویڈیو بناتے ہوئے نوجوان سے گولی چل گئی اور اس کے سر میں لگ گئی جس کے باعث نوجوان موقعے پر جاں بحق ہوگیا۔ نوجوان کی عمر 17 سال تھی۔

نوجوان کی لاش کو عباسی شہید ہسپتال منتقل کیا جارہا ہے۔ پولیس حکام کا کہنا ہے کہ ضروری کارروائی کے بعد لاش کو ورثاء کے حوالے کردیا جائے گا۔ نوجوان نسل سے گزارش ہے کہ بغیر اجازت لائسنس یافتہ اسلحہ بھی استعمال نہ کریں۔