گوگل نیوز پر ہمیں فالو کریںاسلام آباد: وزیرِ مملکت برائے ماحولیاتی تبدیلی زرتاج گل وزیر نے کہا ہے کہ مقدمات میں خاندان کی خواتین کو نامزد کرنے کی ذمہ داری شریف برادران پر عائد ہوتی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ موسمیاتی تبدیلی زرتاج گل وزیر نے کہا کہ اگر قومی احتساب بیورو (نیب) کے نئے کیسز میں شریف خاندان کی خواتین کو بھی نامزد کیا جارہا ہے تو اس کی تمام ذمہ داری نواز شریف اور شہباز شریف پر عائد ہوتی ہے۔
وفاقی وزیر زرتاج گل وزیر نے کہا کہ شریف برادران نے خاندان کی خواتین کو بھی سنگین قومی جرائم اور منی لانڈرنگ کی روش پر لگا دیا، بظاہر انہیں امید تھی کہ آگے چل کر عورتوں کے پیچھے خود چھپ سکیں گے۔
اگر نیب کے نئے کیسز میں شریف خاندان کی خواتین کو بھی نامزد کیا جا رہا ہے، تو اس کی تمام ذمہ داری نواز شریف اور شہباز شریف پر عائد ہوتی ہے۔ خاندان کی خواتین کو بھی انہوں نے سنگین قومی جرائم، منی لانڈرنگ کی روش پر لگا دیا،بظاہر اس امید میں کہ آگے چل کر عورتوں کے پیچھے خود چھپ سکیں۔
— Zartaj Gul Wazir (@zartajgulwazir) May 21, 2020
یاد رہے کہ اس سے قبل وزیرِ مملکت برائے موسمیاتی تبدیلی زرتاج گل وزیر نے پاکستان مسلم لیگ (ن) کے صدر شہباز شریف کے خلاف لفظی گولہ باری کرتے ہوئے کہا کہ قومی اسمبلی کے قائدِ حزبِ اختلاف نے دھیلے کی نہیں بلکہ اربوں کی کرپشن کی۔
ٹوئٹر پرگزشتہ روز اپنے پیغام میں وفاقی وزیر زرتاج گل وزیر نے کہا کہ سرکاری ٹھیکے لینے والے بیشتر کاروباری افراد نے بے بہا رقوم اور کروڑوں روپے جعلی اکاؤنٹس میں جمع کرائے جہاں سے یہ پیسہ خادمِ اعلیٰ کے اکاؤنٹ میں منتقل ہوا۔
مزید پڑھیں: شہباز شریف نے دھیلے کی نہیں، اربوں کی کرپشن کی۔زرتاج گل وزیر
