گوگل نیوز پر ہمیں فالو کریںاسلام آباد :قومی احتساب بیورو نے ایل این جی کیس میں سابق وزیر اعظم اور پاکستان مسلم لیگ ن کے سینئر رہنما شاہد خاقان عباسی کے خلاف ضمنی ریفرنس دائر کرنے کا فیصلہ کیا ہے۔
احتساب عدالت II کے جج اعظم خان نے ایل این جی کیس کی سماعت کی جس میں شاہد خاقان عباسی ، آئل اینڈ گیس ریگولیٹری اتھارٹی کے افسران سعید احمد خان ، عظمیٰ عادل خان اور دیگر ملزمان موجود تھے۔
شاہد خاقان عباسی کے وکیل نے استفسار کیا کہ نیب حتمی ریفرنس کب دائر کرے گا ، جس پر نیب حکام کا کہنا ہے کہ ریفرنس سے متعلق ریکارڈ کراچی سے منتقل نہیں کیا جاسکااور نئے شواہد اکٹھا کرنے کے بعدسابق وزیر اعظم کے خلاف ضمنی ریفرنس دائر کرنے کا فیصلہ کیا ہے ۔
عدالت نے استفسار کیاکہ پاکستان اسٹیٹ آئل کے سابق مینیجنگ ڈائریکٹر شاہد ایم اسلام کو عدالت میں کیوں نہیں پیش کیا گیا؟ ۔نیب نے بتایا کہ وہ بیرون ملک فرار ہوگئے ہیں۔ عدالت نے انہیں مجرم قرار دینے کے لئے نیب کی درخواست منظور کرتے ہوئے سماعت 11 جون تک ملتوی کردی۔
مزید پڑھیں:مریم نواز شاہد خاقان عباسی کو ن لیگ کا صدر بنانا چاہتی ہیں، شیخ رشید
