گوگل نیوز پر ہمیں فالو کریںریاض: مسجد الحرام اور مسجد نبوی کے امام عبد الرحمٰن ابن عبد العزیز السدیس نے کہا ہے کہ رمضان کے ماہ مقدس میں تراویح کی نماز دس رکعت تک محدود ہوگی۔
امام عبد الرحمٰن السدیس نے کہاہے کہ تراویح اور رمضان کے مقدس مہینے کے دوران ادا کی جانے والی خصوصی دعائیں مسجد الحرام اور مسجد نبوی میں عوام کی شرکت کے بغیر ادا کی جائیں گی۔
ان کا کہناہے کہ تراویح بنیادی طور پر عملے کے ساتھ پیش کی جائے گی اورمسجد میں اعتکاف دونوں مساجد میں منسوخ کردیا گیا ہے۔
اس سے قبل انہوں نے کہا تھا کہ اگر کورونا کی وباء جاری رہی تو رمضان کے دوران نمازیں گھر میں ادا کی جائیں گی۔
رمضان کا مہینہ اس ہفتے سے شروع ہونیوالا ہے، اس حوالے سے انہوں نے کہا کہ اگر کورونا کی وجہ سے مساجد بند ہوں تورمضان المبارک کی تراویح گھر میں ادا کی جاسکتی ہے۔
مزید پڑھیں:رمضان کا چاند دیکھنے کیلئے رویت ہلال کمیٹی کا اجلاس جمعرات کو ہوگا
