گوگل نیوز پر ہمیں فالو کریںراولپنڈی :تلہ گنگ کے نواحی علاقے دندی سرہالی کے 15سالہ طالب علم کو اغواء کے بعد قتل کردیا گیا ، لاش کو آگ لگادی گئی۔
حافظ عدنان کو 16اپریل 2020 کو اغواء کیا گیا اور حافظ عدنان کے والدین کو کال کرکے اغواء کاروں نے 15لاکھ روپے تاوان کا مطالبہ کیا تھا۔
حافظ عدنان مقامی مدرسے میں زیر تعلیم تھا اور لاک ڈاؤن کی وجہ سے چھٹی پر گھر آیا ہوا تھا اسی دوران اس کو اغوا کیا گیا ۔
رقم نہ ملنے پر اغوا کاروں نے پہلے حافظ عدنان کے ساتھ بدفعلی کی اور پھر اس کے بعد اس کو قتل کرکے لاش کو آگ لگا دی۔
اغوا کار حافظ عدنان کے محلے دار ہی نکلے ،مشکوک حرکات دیکھتے ہوئے محلے کے دو نوجوانوں کو پولیس نے شامل تفتیش کیا۔
ملزم تجمل حسین ساکن دندی اور اعجاز حیدر ساکن مصریال کو گرفتار کرکے جب تک تفتیش کا دائرہ کار بڑھایا گیا تو دونوں ملزمان نے اعتراف جرم کرتے ہوئے بتایا کہ بچے کو پندرہ لاکھ روپے تاوان کی غرض سے اغواء کیا تھا ۔
ملزمان کا کہنا ہے تاوان کی رقم نہ ملنے پر ہم دونوں نے حافظ عدنان سے بدفعلی کی اور پھر گلا دبا کر اس کو قتل کرکے لاش کو جلا دیا تھا۔
مزید پڑھیں:خون سفید ہوگیا، سفاک باپ نے اپنے 2سالہ لخت جگر کو پھانسی دیدی
