گوگل نیوز پر ہمیں فالو کریںکراچی : سندھ حکومت کا ادارہ ترقیات کراچی سے سوتیلی ماں کا سلوک جاری ہے، ماہانہ گرانٹ صرف 20کروڑ40لاکھ جاری جبکہ تنخواہ و پنشن کی مد میں 35 کروڑ درکار ہیں۔
کے ڈی اے کے آمدنی پیدا کرنے والے تمام محکمے سندھ حکومت نے ہتھیا لیے اور اس کی آمدنی چند کروڑ باقی رہ گئی۔
ماضی میں جب 2000 میں سٹی ڈسٹرکٹ گورنمنٹ کراچی کا قیام عمل میں آیا اور ادارہ ترقیات کراچی کے ایم سی کا ذیلی ادارہ بن گیا ۔
2016 میں کے ڈی اےبلدیہ عظمیٰ کراچی سے علیحدہ ہوا توستمبر 2016 سے سندھ گورنمنٹ فنانس ڈپارٹمنٹ سے 20کروڑ چالیس لاکھ کی گرانٹ ملنا شروع ہوئی جس سے کے ڈی اے ملازمین کی تنخواہیں، ریٹائرڈ ملازمین کی پنشن ادا کی جاتی تھی۔
سندھ گورنمنٹ ہو یا وفاقی گورنمنٹ ہر سال دس سے پندرہ فیصدتنخوا ہوں میں ا ضافہ کرتی ہے مگر کے ڈی اے کی گرانٹ میں گذشتہ چارسالوں سے کوئی اضافہ نہیں ہوا اس کے علاوہ سالانہ انکریمنٹ بھی لگتا ہے جو کہ کم از کم نوے لاکھ بنتا ہے اس طرح سال میں ساڑھ تین کروڑ کا فرق آتاہے یعنی کہ اس وقت گرانٹ کم ازکم 34کروڑ ملنی چاہیے جو کہ نہیں ملتی۔
مزید پڑھیں: کے ڈی اے کا دفتر کھلا رکھنے پر ملازمین میں شدید اضطراب
