کراچی: پاکستانی اداکارہ ماہرہ خان نے لاک ڈاؤن کے دوران مداحوں سے گفتگو اور ان کے سوالات کے جوابات دینا شروع کردئیے ہیں۔
سماجی رابطے کی ویب سائٹ ٹوئٹر پرا پنے پیغامات کےذریعے اداکارہ ماہرہ خان نے اپنے مداحوں اور عوام الناس کے مختلف سوالات کے جوابات دئیے۔
براہِ راست سوالات کا فائدہ اٹھاتے ہوئے شہباز نامی سوشل میڈیا صارف نے اداکارہ ماہرہ خان کو ملاقات کی دعوت دے ڈالی جس کا جواب دینے کے لیے پاکستانی اداکارہ نے لاک ڈاؤن کا سہارا لے لیا۔
شہباز نامی مداح نے اداکارہ ماہرہ خان سے کہا کہ کیا ہم کہیں ملاقات کرسکتے ہیں؟ جس کا جواب دیتے ہوئے ماہرہ خان نے کہا کہ نہیں بھائی۔ کوئی کسی سے نہیں مل سکتا۔ اپنے گھر پر رہیے۔
Nahi bhai. No one can meet 🤦🏻♀️ stay home. Stay home. 🙂 https://t.co/KvCqlkVeGf
— Mahira Khan (@TheMahiraKhan) April 8, 2020
فرید نامی مداح نے ٹوئٹر پر ماہرہ خان سے کہا کہ میرا خیال ہے میرا ٹوئٹر اپنا کام ٹھیک طریقے سے نہیں کر رہا کیونکہ میں ٹوئٹر کے ذریعے اپنی محبت آپ تک نہیں پہنچا سکتا۔
مداح نے ماہرہ خان سے کہا کہ میرے لیے صرف ایک لفظ کہہ دیں۔ میں آپ کو بہت یاد کرتا ہوں اور آپ کو دعائیں بھیج رہا ہوں۔ اس پر ماہرہ خان نے مداح کیلئے ایک لفظ کا انتخاب کیا۔
اداکارہ ماہرہ خان نے کہا کہ آپ کے لیے جس لفظ کا انتخاب کرنا چاہوں گی وہ پیشنیٹ ہے یعنی پرجوش اور بے قرار۔
One word for you… Passionate!! 😘 https://t.co/84FkKCUkH0
— Mahira Khan (@TheMahiraKhan) April 8, 2020
ماہرہ خان سے ایک اور سوشل میڈیا صارف نے مشورہ دیا کہ آپ اپنی فلمیں آن لائن کیوں ریلیز نہیں کرتیں جبکہ بین الاقوامی صارفین کو آن لائن تلاش کرنا زیادہ آسان ہے۔
مشورے پر ردِ عمل دیتے ہوئے ماہرہ خان نے کہا کہ میں اپنی محبت کو جانتی ہوں۔ میری خواہش ہے کہ میں اپنی فلموں کی پروڈیوسر خود ہوتی اور خود انہیں آپ کے لیے آن لائن کرتی، لیکن فی الحال میرا ایسا کوئی ارادہ نہیں۔
I know my love. I wish I was the producer of my films, would have put them online for all of you to see. As of now.. nada! 💋 https://t.co/Bq2PJM3Tkz
— Mahira Khan (@TheMahiraKhan) April 8, 2020