گوگل نیوز پر ہمیں فالو کریںاقوامِ متحدہ کے عالمی ادارۂ صحت (ورلڈ ہیلتھ آرگنائزیشن) نے دنیا بھر کے سربراہانِ مملکت کو کورونا وائرس کے خلاف جنگ کی دعوت دیتے ہوئے کہا ہے کہ وائرس کے خلاف سخت اقدامات اٹھائیں۔
سماجی رابطے کی ویب سائٹ ٹوئٹر پر گزشتہ روز اپنے پیغام میں عالمی ادارۂ صحت کے ڈائریکٹر جنرل ٹیڈروس گیبرئیسس نے کہا کہ میں کورونا وائرس کے خلاف تمام ممالک کی اعلیٰ قیادت کو جنگ کی دعوت دیتا ہوں۔
عالمی ادارۂ صحت کے ڈی جی ٹیڈروس گیبرئیسس نے کہا کہ عالمی برادری کے سربراہان کو کورونا وائرس کے خلاف اپنی حکمتِ عملی کو مربوط بنانا ہوگا اور اپنے اپنے ملک کے ہر شعبے کو وائرس کے خلاف مضبوط کریں۔
ڈی جی عالمی ادارۂ صحت نے کہا کہ وزارتِ صحت سمیت قانون نافذ کرنے والے ادارے، سفارت، مالیات، اقتصادیات، آمدورفت، تجارت، اطلاعات اور حکومت کے ہر شعبے کو وائرس کے خلاف منظّم کیا جائے۔
ڈائریکٹر جنرل ٹیڈروس گیبرئیسس نے کہا کہ کچھ ممالک کی طرف سے کورونا وائرس کے خلاف سیاسی عزمِ صمیم کا فقدان نظر آتا ہے جس پر ہمیں تشویش ہے جبکہ پوری دنیا اِس وقت کورونا وائرس کی زد پر ہے۔
ٹیڈروس گیبرئیسس نے کہا کہ کورونا وائرس کے خلاف جنگ کوئی جنگی مشق نہیں جسے چھوڑ دیا جائے، اس پر کسی معذرت کی ضرورت نہیں جبکہ اس راستے میں آنے والی ہر رکاوٹ کو دور کرنا ضروری ہے۔
We're concerned that in some countries the level of political commitment & the actions that demonstrate that commitment don't match the level of the threat we all face. This is
NOT a drill
NOT the time to give up
NOT a time for excuses
This is a time for pulling out all the stops— Tedros Adhanom Ghebreyesus (@DrTedros) March 5, 2020
