گوگل نیوز پر ہمیں فالو کریںریاستہائے متحدہ امریکا میں پاکستانی سفیر اسد مجید نے کہا ہے کہ پاکستان سیاحت اور سرمایہ کاری کے شعبوں میں بہترین ماحول فراہم کر رہا ہے، امریکا کی سفری ایڈوائزری اس کا ثبوت ہے۔
امریکا میں پاکستانی سفیر اسد مجید خان نے فلاڈلفیا میں ”اپنا“ نامی اطباء کی تنظیم کے اجلاس سے خطاب کرتے ہوئے کہا کہ امریکا کی سفری ایڈوائزری میں بہتر سیکورٹی صورتحال کا اعتراف کیا گیا۔
پاک امریکا تعلقات میں حالیہ پیشرفت پر شرکائے اجلاس کو آگاہ کرتے ہوئے پاکستانی سفیر اسد مجید نے کہا کہ پاکستان میں معیشت اور سلامتی کی صورتحال سرمایہ کاری کے لیے سازگار ہے۔
سماجی رابطے کی ویب سائٹ ٹوئٹر پر اپنے پیغام میں ”اپنا“ کی تقریب کی تصاویر شیئر کرتے ہوئے پاکستانی سفیر نے کہا کہ گزشتہ شب تقریب میں شرکت کرکے مسرت محسوس ہوئی۔
پاکستانی سفیر اسد مجید خان نے کہا کہ میں نے پاکستان میں تجارتی کاوشوں اور اہم مالی معاونت کے لیے ڈاکٹروں کی تنظیم ”اپنا“ کا شکریہ ادا کیا۔ تنظیم نے پاک امریکا تعلقات میں اہم پل کا کردار ادا کیا۔
Delighted to join the APPNA strategy meeting in Philadelphia last night. Thanked APPNA for their important charity and capacity building work in Pakistan and for being an important bridge btw Pakistan and US. @PakEmbassyDC pic.twitter.com/qKjZE4zwJV
— Asad M. Khan (@asadmk17) February 1, 2020
