گوگل نیوز پر ہمیں فالو کریںکراچی (نگاہ محمد) پروفیشنل یوتھ فاؤنڈیشن کی جانب سے ہفتہ یکجہتی کشمیر کا انعقاد کیا جارہا ہے جس کا آغاز کل سے ہوگا اور ملک بھر کی کئی تنظیمیں شرکت کریں گی۔
ہفتہ یکجہتی کشمیر کے تحت یکم فروری کو نجی تعلیمی ادارے میں کشمیر کو درپیش چیلنجز سے متعلق سیشن کا انعقاد کیا جائے گا ، 2 فروری کو اورنگی ٹاؤن میں طیبہ ڈسپنسری کے پاس کشمیر فری میڈیکل کیمپ اور بلڈ ڈونیشن کیمپ بھی لگایاجائےگا۔
3 فروری کو ایک اور نجی تعلیمی ادارے میں کشمیریوں سے اظہار یکجہتی کے لیےتقریری مقابلہ ہوگا جس کا موضوع ہوگا” جینے کے لیے آزادی ضروری ہے”۔
4 فروری کو آرٹس کونسل کراچی میں سوشل میڈیا پر کشمیر کی آواز دبانے کے خلاف کشمیر ڈیجیٹل میڈیا کانفرنس کاانعقاد ہوگا، 5 فروری کو یوم کشمیر کے موقع پر مختلف مقامات سے نوجوان طلبہ پر مشتمل ریلیاں نکالی جائیں گی۔
یہ بھی پڑھیں: مقبوضہ کشمیر میں بد ترین کرفیو کا 180واں روز: بھارتی فوج نمازِ جمعہ سے خوفزدہ
