وزیراعظم سے کلیم امام کی ملاقات، آئی جی سندھ کی تبدیلی کا معاملہ موخر

اسلام آباد: وزیراعظم عمران خان سے آئی جی سندھ ڈاکٹر کلیم امام نے ملاقات کی ہے جس میں صوبے میں امن و امان کی مجموعی صورت حال پر بات چیت کی گئی۔

ذرائع کا کہنا ہے کہ وزیراعظم سے ملاقات میں آئی جی سندھ نے تحفظات سے آگاہ کیا جبکہ وزیراعظم کی جانب سے نئے نام آنے تک آئی جی کی تبدیلی موخر کرنے کا عندیہ دیا گیا ہے۔

مزید پڑھیں: میرے خلاف سازش ہوئی، آسانی سے نہیں جاؤں گا، آئی جی سندھ کلیم امام ڈٹ گئے

گزشتہ روز وفاقی کابینہ نے اتحادی جی ڈی اے کی جانب سے اعتراض کے بعد آئی جی کی تعیناتی کے لئے سندھ حکومت کی جانب سے بھجوائے گئے نام مسترد کر دیئے تھے ۔

گورنر سندھ عمران اسماعیل کو وزیر اعلیٰ مراد علی شاہ سے مشاورت کے بعد نئے نام تجویز کرنے کی ہدایات کی گئی ہے جبکہ حکومت کے اتحادیوں نے بیرون سندھ سے آئی جی لانے کا مطالبہ کر دیاہے۔