گوگل نیوز پر ہمیں فالو کریںاسلام آباد: وزیراعظم عمران خان نے آئی جی سندھ کلیم امام کو ملاقات کے لیے اسلام آباد طلب کرلیا جہاں وہ بدھ کی دوپہر وزیراعظم عمران خان سے ملاقات کریں گے۔
وزیراعظم عمران خان کی جانب سے طلبی کے بعد آئی جی سندھ اسلام آباد روانہ ہوگئے ہیں،وزیراعظم سے ملاقات میں آئی جی سندھ کلیم امام کو نیا ٹاسک دیا جاسکتا ہے۔
واضح رہے کہ گزشتہ روزوزیراعظم عمران خان کی گورنر ہاؤس میں وزیر اعلیٰ سندھ مراد علی شاہ سے ملاقات ہوئی تھی جس میں صوبے میں امن وامان کی صورتحال پرتبادلہ خیال اور آئی جی سندھ کی تبدیلی پر اتفاق کیا گیا تھا۔
اس حوالے سے وفاقی کابینہ نے آج ہونے والے اجلاس میں آئی جی کے تبادلے کی منظوری مؤخر کرتے ہوئے معاملہ گورنرسندھ عمران اسماعیل اور وزیراعلیٰ سندھ مراد علی شاہ کے سپرد کردیا ہے۔
یہ بھی پڑھیں: مشتاق مہر کے نام پر کابینہ کی اکثریت نے تحفظات کا اظہار کیا، فردوس عاشق اعوان
