گوگل نیوز پر ہمیں فالو کریںلندن: ملکۂ برطانیہ الزبتھ دوم نے برطانوی پارلیمنٹ سے بریگزٹ ڈیل پاس ہونے کے بعد ملک کی یورپی یونین سے علیحدگی کی باضابطہ منظوری دے دی ہے۔
ملکۂ برطانیہ الزبتھ دوم کی منظوری کے بعد برطانوی وزیر اعظم بورس جانسن اور برسلز میں معاہدے پر یورپی یونین کے 2 اعلیٰ عہدیداروں کے دستخط جلد متوقع ہیں۔
وزیر اعظم بورس جانسن رواں ہفتے کے دوران ہی معاہدے پر دستخط کریں گے۔ بریگزٹ ڈیل کی منظوری اور یورپی یونین سے علیحدگی برطانیہ کی تاریخ کا ایک بڑا فیصلہ قرار دیا جارہا ہے۔
حکومتِ برطانیہ نے اعلان کیا ہے کہ وزیر اعظم آئندہ ہفتے کے دوران جمعے کے روز یورپی یونین سے علیحدگی کے موقعے پر یادگاری سکے جاری کریں گے۔
رواں ماہ کے آخری روز وزیر اعظم بورس جانسن کی زیر صدارت برطانوی کابینہ کا خصوصی اجلاس ہوگا جس کے دوران بریگزٹ ڈیل کے خاتمے کے بعد ملکی صورتحال کا جائزہ لیا جائے گا۔
یاد رہے کہ اس سے قبل برطانوی وزیر اعظم بورس جانسن کو اہم کامیابی حاصل ہوئی، اراکینِ پارلیمنٹ نے وزیر اعظم کی بریگزٹ ڈیل کثرتِ رائے سے منظور کر لی۔
برطانوی میڈیا کے مطابق بریگزٹ ڈیل کی منظوری کے بعد برطانیہ یورپی یونین سے علیحدہ ہوسکتا ہے، 10 جنوری کو پارلیمنٹ میں بریگزٹ ڈیل کی مخالفت میں 231 جبکہ حمایت میں 330 ووٹ ڈالے گئے۔
مزید پڑھیں: بورس جانسن کی کامیابی، بریگزٹ ڈیل کثرتِ رائے سے منظور
