گوگل نیوز پر ہمیں فالو کریںعمر کوٹ: وزیراعلیٰ سندھ سید مراد علی شاہ نے کہا ہے کہ آئی جی سندھ کلیم امام کے معاملے پر وزیر اعظم عمران خان سے ایک بار نہیں کئی بار رابطہ ہواہے ، ہم ایک پیج پر ہیں، سندھ میں گندم کا بحران گڈز ٹرانسپورٹر کی ہڑتال کے باعث بنا۔
عمر کوٹ میں میڈیا سے گفتگو کرتے ہوئے وزیر اعلیٰ سندھ مراد علی شاہ نے کہا کہ سندھ میں دوسری بار آٹے کا بحران پیدا ہواہے۔
پہلی بار نواز شریف کے دور میں بحران پیدا ہوا تھا جب گندم ایکسپورٹ کی گئی اوربعد میں یوکرین سے گندم خریدی گئی جو خراب تھی، موجودہ حکومت نے بھی گندم ایکسپورٹ کی اور اب امپورٹ کی جا رہی ہے۔
وزیراعلیٰ سندھ مراد علی شاہ نے کہا کہ نواز شریف کے دور حکومت میں بھی ہم نے وفاق سے تعاون کیا اور موجودہ حکومت سے بھی تعاون کر رہے ہیں۔
مزید پڑھیں: آئی جی سے تنازعہ، سندھ حکومت نے پولیس کے کھاتے کھول لیئے
