گوگل نیوز پر ہمیں فالو کریںکراچی: ترجمان حکومتِ سندھ مرتضیٰ وہاب نے کہا ہے کہ سندھ حکومت نے کراچی ترقیاتی پیکیج کے تحت آج 8 سڑوں کی تعمیرِ نو مکمل کر لی ہےجن میں سیوریج سسٹم بھی شامل ہوگا۔
سماجی رابطے کی ویب سائٹ ٹوئٹر پر اپنے پیغام میں بیرسٹر مرتضیٰ وہاب نے کہا کہ ترقیاتی پیکیج کے تحت سندھ حکومت نے دیگر پروجیکٹس کے ساتھ ساتھ 12 سڑکوں کی تعمیرِ نو شروع کر رکھی ہے جن میں سے 8 مکمل ہوئیں۔
پیغام میں بیرسٹر مرتضیٰ وہاب نے کہا کہ جن 8 سڑکوں کی تعمیرِ نو آج مکمل کی گئی، ان میں سے زیادہ تر کراچی کے علاقوں لی مارکیٹ اور ککری گراؤنڈ کے قریب ہیں۔
بیرسٹر مرتضیٰ وہاب نے سڑکوں کی تعمیرِ نو کے حوالے سے ویڈیو شیئر کرتے ہوئے سوال کیا کہ کیا اِن سڑکوں کی تعمیرِ نو کے بعد علاقہ خوبصورت نہیں لگتا؟
Under the #Karachi development package, #SindhGovt amongst other projects had also initiated reconstruction of 12 roads with sewerage system in Lyari. Today 8 out of those 12 roads have been built mainly around Kakri ground & Lee Market area. Looks good doesnt it? #SindhFacts pic.twitter.com/RFLuFiL8Hk
— Murtaza Wahab Siddiqui (@murtazawahab1) January 13, 2020
یاد رہے کہ اس سے قبل ترجمان سندھ حکومت و سابق سینیٹر مرتضیٰ وہاب نے کہا کہ سندھ حکومت کے دور میں سڑکوں کی بحالی کا کام جاری ہے اور پیپلز پارٹی صرف کارکردگی پر یقین رکھتی ہے۔
ٹوئٹر پر اپنے پیغام میں گزشتہ روز ترجمان سندھ حکومت مرتضیٰ وہاب نے کہا کہ کراچی میں پیپلز پارٹی حکومت نے لیاری کے علاقے میں نیپیر روڈ پر کام شروع کردیا ہے۔
مزید پڑھیں: پیپلز پارٹی کارکردگی پر یقین رکھتی ہے۔ مرتضیٰ وہاب
