گوگل نیوز پر ہمیں فالو کریںگوجرانوالہ: ایشین بیچ ریسلنگ چیمپئن شپ میں پاکستان کا نام روشن کرنے والے قومی ریسلر انعام بٹ آج رشتہ ازدواج میں منسلک ہوجائیں گے، بارات کے حوالے سے تمام تیاریاں مکمل کرلی گئی ہیں۔
گزشتہ شب قومی ریسلر انعام بٹ کی مہندی کی رسم ادا کی گئی جس میں شرکت کے لیے وہ گھوڑے پہ سوار ہو کر مقامی ہال پہنچے جہاں عزیز و اقارب اور دوست احباب نےان کا والہانہ استقبال کیا، ریسلر انعام بٹ مہندی کی تقریب کے لیے شلوار کرتے میں ملبوس تھے ۔
مہندی کی رسم کو یادگار بنانے کے لیےریسلر انعام بٹ نے تقریب میں موجود دوست پہلوانوں کے ہمراہ روایتی گرز اٹھائے اور پھر دوستوں کے اصرار پر ان کے ساتھ بھنگڑے بھی ڈالے،مہندی کی رسم میں گھوڑا ڈانس اورآتش بازی کا شاندار مظاہرہ کیا گیا۔
مہندی کی تقریب میں شریک مہمانوں کی تواضع دیسی گھی سے بنے کھانوں ، حلوہ پوری ، حلیم چاول سمیت کئی پرتکلف کھانوں سے کی گئی، ریسلر انعام بٹ کی شادی میں ممتاز پہلوانوں سمیت دیگر معززین نے شرکت کی۔
یہ بھی پڑھیں: اوپننگ بیٹسمین شان مسعود سپر فٹ کرکٹرزکی دوڑ میں سب سے آگے
