گوگل نیوز پر ہمیں فالو کریںاسلام آباد: وزیر خارجہ شاہ محمود قریشی خطے میں قیام امن کے لیے وزیر اعظم عمران خان کی خصوصی ہدایت پرمعاملات کو سلجھانے کے لیے خطے کے دیگر ممالک کے ساتھ سفارتی رابطے شروع کردیے۔
وزیرخارجہ وزیر خارجہ شاہ محمود قریشی نے ایران امریکا کشیدگی کے حوالے سے اپنے ویڈیو بیان میں کہا ہے کہ مشرق وسطیٰ عرصہ دراز سے کشیدگی کا شکار ہے، 3 جنوری کے واقعات اور پھر 8 جنوری کو علی الصبح سامنے آنے والے ردعمل نے کشیدگی میں مزید اضافہ کر دیا ہے۔
وزیر خارجہ شاہ محمود قریشی نے کہاکہ یہ خطہ مزید کسی جنگ کا متحمل نہیں ہو سکتا، پاکستان سمجھتا ہے کہ یہ کشیدگی نہ صرف ہمارے بلکہ پورے خطے کے مفاد میں نہیں ہے اور پاکستان کی کوشش رہی ہے اور کوشش ہے کہ ہم معاملات کو سلجھائیں۔
وزیر خارجہ نے کہا کہ ایران امریکا کشیدگی کی صورتحال کو پیشِ نظر رکھتے ہوئے پاکستان نے خطے کے دیگر ممالک کے ساتھ سفارتی روابط کے فروغ کا فیصلہ کیا ہے اور میری خطے کے مختلف وزرائے خارجہ سے گفت وشنید ہوئی۔
مزید پڑھیں: امریکا ایران کشیدگی، وزیراعظم عمران خان کی آرمی چیف اور وزیرخارجہ کو اہم ہدایات
