گوگل نیوز پر ہمیں فالو کریںامریکی عدالت نے پاکستانی بزنس مین محمد آصف حفیظ کو منشیات کی اسمگلنگ کے الزامات پر 16 سال قید کی سزا سنائی ہے۔
عالمی میڈیا رپورٹس کے مطابق، محمد آصف حفیظ کو دو الزامات میں مجرم قرار دیا گیا۔ انہیں اگست 2017 میں لندن سے گرفتار کیا گیا تھا اور تین سال قبل امریکا منتقل کیا گیا تھا۔
عدالت نے فیصلہ سناتے ہوئے کہا کہ آصف حفیظ کی حراست میں گزاری گئی مدت کو سزا میں شامل کیا جائے گا، اور ان کی قید کی مدت 2033 میں مکمل ہوگی۔
عدالت نے منشیات کی اسمگلنگ سے منسلک اثاثے بھی ضبط کرنے کا حکم دیا ہے۔
محمد آصف حفیظ نے 18 نومبر 2024 کو ہیروئن تیار کرنے، تقسیم کرنے اور امریکا میں غیر قانونی طریقے سے داخل کرنے کی سازش کے ایک الزام اور میتھ ایمفیٹامین و چرس کی غیر قانونی تیاری، تقسیم اور درآمد کی سازش کے ایک اور الزام کا اعتراف کیا تھا۔
ان کے وکیل کا کہنا ہے کہ انہیں امریکا میں قید کے سخت حالات کے باعث اعتراف جرم پر مجبور کیا گیا۔
