گوگل نیوز پر ہمیں فالو کریںاداکار منیب بٹ نے عیدالاضحیٰ کے موقع پر سنتِ ابراہیمی کی پیروی کرتے ہوئے قربانی کے لیے ایک اونٹ خریدا، مگر یہ اونٹ صرف گھر تک ہی محدود نہ رہا۔
سوشل میڈیا پر ایک ویڈیو وائرل ہوئی ہے جس میں ایک اونٹ کو رسی تڑا کر بھاگتے ہوئے دیکھا جاسکتا ہے۔ یہ خوبصورتی سے سجا ہوا اونٹ دراصل منیب بٹ اور ان کی اہلیہ اداکارہ ایمن خان کا تھا۔
ویڈیو میں واضح طور پر دیکھا جا سکتا ہے کہ گلی میں موجود لوگ اونٹ کے اچانک بھاگنے سے خوفزدہ ہو کر ادھر ادھر دوڑ رہے ہیں، جبکہ اونٹ تیزی سے آگے کی جانب بڑھ رہا ہے۔
View this post on Instagram
اس دلچسپ ویڈیو کو منیب بٹ کی سالی اور معروف اداکارہ منال خان نے اپنی انسٹاگرام اسٹوری پر بھی شیئر کیا اور ہنستے ہوئے ایمن خان اور منیب بٹ کو ٹیگ کر کے لکھاکہ “آپ کا اونٹ تو وائرل ہوگیا۔
اس واقعے کی تصدیق خود منیب بٹ نے بھی اپنی انسٹاگرام اسٹوری کے ذریعے کی۔ انہوں نے بتایا کہ یہ واقعہ ایک روز قبل پیش آیا جب سی سی ٹی وی فوٹیج سے یہ معلوم ہوا کہ چند بچوں نے اونٹ کو پتھر مارے، جس سے وہ ڈر گیا اور رسی تڑاکر بھاگ کھڑا ہوا۔
منیب بٹ نے والدین سے اپیل کی کہ وہ اپنے بچوں کو قربانی کے جانوروں سے نرمی اور احترام سے پیش آنے کی تربیت دیں تاکہ اس طرح کے ناخوشگوار واقعات سے بچا جا سکے۔ اداکار نے اپنے وی لاگ میں قربانی کے جانور کی خریداری، اسے گھر تک لانے اور اس موقع پر پیش آنے والے دلچسپ لمحات بھی اپنے چاہنے والوں سے شیئر کیے۔
