گوگل نیوز پر ہمیں فالو کریںکیلیفورنیا کے شہر سینٹ جونز میں انٹر میامی اور سینٹ جونز ارتھ کوئیکز کے درمیان اہم مقابلہ پے پال پارک میں کھیلا گیا۔
میچ کے آغاز سے ہی دونوں ٹیموں نے جارحانہ انداز اپنایا۔ 26ویں منٹ میں سینٹ جونز کے اہم اسٹرائیکر کرسچیان ارینگو جو سیزن میں آٹھ گول کر چکے تھے، اچانک زخمی ہو کر میدان سے باہر ہو گئے جس سے میزبان ٹیم کو ایک بڑا دھچکا لگا۔
اس موقع کا فائدہ اٹھاتے ہوئے انٹر میامی نے رفتار بڑھائی مگر 37ویں منٹ میں سینٹ جونز کے نوجوان کھلاڑی بو لیرو نے دفاع کی کمزوریوں کا فائدہ اٹھا کر ٹیم کو 1-2 کی برتری دلا دی۔
اس کے بعد میسی نے 40ویں منٹ میں ہیڈر کے ذریعے گول کرنے کی کوشش کی مگر گیند جال میں پہنچنے سے رہ گئی۔ اگلے ہی لمحے بینجمن کریماشی کے پاس گول کرنے کا سنہری موقع آیاجو ٹیدیو آلینڈے کی شاندار پاس پر ضائع ہو گیا۔
میچ کے 44ویں منٹ میں بالآخر انٹر میامی کی محنت رنگ لائی۔ لیونل میسی نے بائیں جانب بھاگتے ہوئے جورڈی آلبا کو گیند دی جنہوں نے انتہائی خوبصورتی سے آلینڈے کو کراس دیا۔ آلینڈے نے مارچ 9 کے بعد پہلا گول اسکور کرتے ہوئے میچ 2-2 سے برابر کر دیا۔
اگرچہ انٹر میامی کو واپسی کی امید پیدا ہوئی تھی مگر ہاف ٹائم سے پہلے کے اضافی وقت میں سینٹ جونز کے ایان ہارکس نے بائیں پاؤں سے زبردست گول داغ کر ایک بار پھر ٹیم کو برتری دلا دی۔
اس کے فوراً بعدمیسی کو فری کِک پر گول کا موقع ملا، جو سینٹ جونز کے کھلاڑی ویٹر کوسٹا کے آلینڈے پر فاؤل کے نتیجے میں ملا تھا۔ مگر میسی کا فری کِک گول پوسٹ کے دائیں جانب سے باہر چلا گیا اور ہاف ٹائم کے بعد ٹیم 3-2 کے خسارے میں چلی گئی۔
