گوگل نیوز پر ہمیں فالو کریںامریکی میڈیا اور دفاعی تجزیہ کاروں نے حالیہ پاک بھارت کشیدگی کے دوران پاکستانی بری اور فضائی افواج کی مہارت اور صلاحیتوں کی بھرپور تعریف کرتے ہوئے پاکستانی افواج کو دنیا کی بہترین فورسز قرار دے دیاہے۔
امریکی ذرائع ابلاغ نے پاکستانی فوج کو دنیا کی بہترین فوج قرار دیا ہے جبکہ معروف امریکی تجزیہ نگاروں نے بھی پاکستانی فضائیہ اور بری فوج کی پیشہ ورانہ مہارت کو سراہا ہے۔
اس سے قبل عالمی شہرت یافتہ امریکی سیاسی ماہر پروفیسر جان میرشائمر نے بھارتی میڈیا کو دیے گئے ایک انٹرویو میں کہا تھا کہ پاکستان ایک مضبوط اور قابل فوجی طاقت رکھتا ہے اور بھارت کے لیے اس پر فوقیت حاصل کرنا آسان نہیں ہوگا۔
پروفیسر میرشائمر کے مطابق بھارت کشمیر کے مسئلے کو فوجی طاقت کے ذریعے حل نہیں کر سکتا کیونکہ پاکستان کی عسکری صلاحیت بہت مؤثر ہے جو بھارت کو کسی بھی بڑی برتری سے روکتی ہے۔
یہ بات قابلِ ذکر ہے کہ پاکستان نے بھارتی جارحیت کے خلاف جوابی کارروائیاں جاری رکھی ہوئی ہیں۔ پاکستان نے آپریشن “بنیان المرصوص” کا آغاز نمازِ فجر کے وقت کیا۔
اس آپریشن کے دوران، پاکستانی فوج نے بھارتی علاقے بیاس میں واقع براہموس میزائل اسٹوریج سینٹر کو تباہ کر دیا۔
اسی طرح پٹھان کوٹ کے فضائی اڈوں کو بھی مکمل طور پر نشانہ بنا کر ناکارہ بنا دیا گیا جبکہ یوری سیکٹر میں بھارت کا فوجی سامان کا گودام بھی تباہ کیا گیا۔
