گوگل نیوز پر ہمیں فالو کریںوفاقی وزیر برائے سائنس و ٹیکنالوجی فواد چوہدری نے الیکٹرک کاریں بنانے والی امریکی کمپنی کو پاکستان آمد کی دعوت دیتے ہوئے کہا ہے کہ آپ کی اگلی منزل پاکستان ہونی چاہئے۔
سماجی رابطے کی ویب سائٹ ٹوئٹر پر اپنے دعوتی پیغام میں وزیر سائنس و ٹیکنالوجی فواد چوہدری نے کار بنانے والی کمپنی ٹیسلا کو مخاطب کرتے ہوئے کہا کہ دنیا کے 68 فیصد لوگ ہمارے قریب رہتے ہیں۔
ٹوئٹر پیغام میں وزیر سائنس و ٹیکنالوجی فواد چوہدری نے کہا کہ اسلام آباد سے ساڑھے 3 گھنٹے کی فلائٹ پر دنیا کی 68 فیصد آبادی رہائش پذیر ہے، ہم آپ سے 10 سال تک ٹیکس بھی نہیں لیں گے۔
وزیر سائنس و ٹیکنالوجی فواد چوہدری نے کہا کہ آپ کو فیکٹری سیٹ اپ کے لیے کسٹم فری برآمدات کی اجازت دی جائے گی۔ ایسی پیشکش آپ کو دنیا کا کوئی دوسرا ملک نہیں کرسکتا۔
فواد چوہدری نے الیکٹرک کار بنانے والی کمپنی کو پاکستان آمد کی دعوت دیتے ہوئے کہا کہ پاکستان دنیا کا وہ تیسرا بڑا ملک ہے جو دنیا کو فری لانس سافٹ وئیر برآمد کرتا ہے۔
Dear @elonmusk your next destination may be Pak,68% of world population lives within 3.5 hrs fligt radius from Isld,we offer ten years zero tax facility and custom free import for factory setup,no other country may offer,plus we are worlds 3rd biggest freelance software exporters https://t.co/CkHznHAQ1P
— Ch Fawad Hussain (@fawadchaudhry) January 5, 2020
یاد رہے کہ اس سے قبل وفاقی وزیر برائے سائنس و ٹیکنالوجی فواد چوہدری نے کہا کہ نام نہاد صحافی جلد قانون کے شکنجے میں ہوں گے، ایف آئی اے سائبر ونگ فعال کردیا گیا ہے۔
ٹوئٹر پرگزشتہ روز اپنے پیغام میں فواد چوہدری نے کہا کہ وفاقی تحقیقاتی ادارے (ایف آئی اے) کا سائبر ونگ فعال کردیا، بڑے بلیک میلر صحافی جیل میں ہوں گے۔
مزید پڑھیں: نام نہاد صحافی قانون کے شکنجے میں ہوں گے۔ فواد چوہدری
