گوگل نیوز پر ہمیں فالو کریںلاہور: شہری انتظامیہ نے لاہور میں نئے سال کی رات آتش بازی اور فضائی مظاہروں پر مکمل پابندی عائد کر دی ہے، یہ اقدام شہر میں بڑھتی فضائی آلودگی کے خطرناک سطح تک پہنچ جانے کے پیش نظر کیا گیا ہے۔
ماحولیاتی تحفظ کے محکمے نے ایک نوٹیفکیشن جاری کیا جس میں ہر قسم کی آتش بازی اور فضائی مظاہروں پر پابندی کا اعلان کیا گیا۔
ڈپٹی کمشنر لاہور نے خبردار کیا کہ پابندی کی خلاف ورزی کرنے والوں کے خلاف سخت کارروائی کی جائے گی۔ انہوں نے کہا، “ہم اسموگ پر قابو پانے اور شہر میں فضائی آلودگی کو کم کرنے کے لیے کام کر رہے ہیں اور شہریوں سے تعاون کی درخواست کرتے ہیں۔”
شہر کی انتظامیہ نے صحت اور ماحولیات کے تحفظ کو اپنی اولین ترجیحات میں شامل کیا ہے۔ پابندی کا مقصد سردیوں کے موسم میں اسموگ کی شدت کو کم کرنا اور عوامی صحت کی حفاظت کرنا ہے۔
کراچی میں ان مقامات پر اب بھی مجلِس وحدت مسلمین کے دھرنے جاری
دوسری جانب نئے سال کی آمد سے قبل ایڈیشنل انسپکٹر جنرل (اے آئی جی) کراچی جاوید عالم اوڈھو نے کراچی کے شہریوں کو خبردار کیا ہے کہ نئے سال کی خوشی میں فضائی فائرنگ کرنے والوں کے خلاف اقدامِ قتل کے مقدمات درج کیے جائیں گے۔
اے آئی جی اوڈھو نے کہا کہ گزشتہ سال نئے سال کی رات فضائی فائرنگ کے واقعات میں 31 افراد زخمی ہوئے تھے، جن پر کئی افراد کے خلاف مقدمات درج کیے گئے تھے۔
انہوں نے شہریوں سے اپیل کی کہ وہ کسی بھی فضائی فائرنگ کے واقعے کی اطلاع فوری طور پر پولیس کو دیں۔ انہوں نے یہ بھی مشورہ دیا کہ لوگ نئے سال کا جشن پُرامن اور ذمہ داری کے ساتھ منائیں۔
شہر ی انتظامیہ اور پولیس حکام نے شہریوں پر زور دیا ہے کہ وہ آتش بازی اور فضائی فائرنگ سے گریز کریں تاکہ نئے سال کا آغاز سکون اور ذمہ داری کے ساتھ ہو۔
