گوگل نیوز پر ہمیں فالو کریںجنوبی پنجاب سے ایک افسوسناک واقعہ سامنے آیا ہے، جہاں نشتر میڈیکل یونیورسٹی ملتان کی ایک طالبہ کو اغوا کر کے دو افراد نے جنسی زیادتی کا نشانہ بنایا، جن میں سے ایک یونیورسٹی کا ملازم بتایا جا رہا ہے۔
مقامی میڈیا کی رپورٹس کے مطابق مرکزی ملزم نشتر میڈیکل یونیورسٹی کا ملازم ہے جبکہ دوسرا ملزم اس کا دوست بتایا گیا ہے۔ پولیس کے مطابق ملزمان نے طالبہ کو ایک نامعلوم مقام پر لے جا کر یہ قبیح فعل انجام دیا۔
واقعے کے بعد دونوں ملزمان کو گرفتار کر لیا گیا۔ یونیورسٹی کے ایک سینئر ڈاکٹر نے انکشاف کیا کہ متاثرہ طالبہ شدید صدمے کا شکار ہے اور سینئر طبی عملے نے یونیورسٹی انتظامیہ پر زور دیا کہ پولیس کو اس معاملے میں شامل کیا جائے۔
کراچی میں کیا ہونے والا ہے! کمشنر نے شہر میں دفعہ 144 کیوں نافذ کردی؟
پولیس کے سینئر حکام نے تصدیق کی ہے کہ متاثرہ طالبہ کا مکمل طبی معائنہ اور ڈی این اے ٹیسٹ کروانے کے لیے اقدامات کیے جا رہے ہیں تاکہ تحقیقات میں مدد مل سکے۔
یہ واقعہ تعلیمی اداروں میں طلبہ کے تحفظ پر سنگین سوالات اٹھاتا ہے اور یونیورسٹی اور پولیس پر دباؤ بڑھ رہا ہے کہ وہ انصاف کی فراہمی یقینی بنائیں۔
