گوگل نیوز پر ہمیں فالو کریںپریتی زنٹا اور کرینہ کپور کے درمیان اختلافات کی ایک پرانی کہانی دوبارہ سرخیوں میں ہے، خاص طور پر ایک وائرل ویڈیو کی وجہ سے جس میں پریتی زنٹا نے کرینہ کو ان کے رویے پر تنقید کا نشانہ بنایا۔
ڈی این اے کے مطابق یہ تنازع اس وقت شروع ہوا جب کرینہ کپور کو پہلے کرن جوہر کی فلم کل ہو نہ ہو میں مرکزی کردار کے لیے منتخب کیا گیا تھاتاہم تخلیقی اختلافات کے باعث کرینہ کو پروجیکٹ سے الگ کر دیا گیا اور ان کی جگہ پریتی زنٹا کو کاسٹ کیا گیا۔ کل ہو نہ ہو 2003 کی سب سے زیادہ کمائی کرنے والی فلم بن گئی تھی، جس کی کامیابی نے کرینہ کو پریتی سے ناراض کر دیا اور وہ انہیں مسلسل نظرانداز کرتی رہیں۔
2005 میں کرینہ کپور نے شوکافی ود کرن میں شرکت کی، جہاں کرن جوہر نے پریتی زنٹا کا ایک ویڈیو پیغام چلایا۔ ویڈیو میں پریتی نے کرینہ کا شکریہ ادا کرتے ہوئے کہا: کرینہ کل ہو نہ ہو چھوڑنے کے لیے شکریہ۔ یہ وہ بات ہے جو میں کہنا چاہوں گی۔ وہ ہمیشہ اس بات پر مجھ سے ناراض رہتی ہیں۔ مجھے ان سے کوئی مسئلہ نہیں لیکن مجھے یہ بات پسند نہیں کہ وہ مجھے نظرانداز کرتی ہیں۔ یہ مجھے اچھا نہیں لگتا۔” ویڈیو کے دوران کرینہ کا رویہ غیر دلچسپی کا مظہر تھا، جس نے ان اختلافات کو واضح کیا۔
فلم کل ہو نہ ہو نکھل ایڈوانی کی ہدایت کاری میں بنائی گئی تھی جس میں شاہ رخ خان، پریتی زنٹا اور سیف علی خان پر مبنی ایک رومانوی کہانی تھی۔ فلم نے 30 کروڑ روپے کے بجٹ میں 81اعشاریہ 95 کروڑ روپے کی کمائی کی اور اسے حال ہی میں دوبارہ سینما گھروں میں ریلیز کیا گیا، جہاں اسے شائقین نے بھرپور سراہا۔
یہ کہانی اس بات کی عکاسی کرتی ہے کہ بالی ووڈ کی دنیا میں کامیابی اور اختلافات کس طرح ذاتی تعلقات پر اثر انداز ہو سکتے ہیں۔ کرینہ اور پریتی کے اس واقعے نے ان کے مداحوں کو ان کے رشتے پر غور کرنے پر مجبور کر دیا۔
