فیڈرل بورڈ کے تحت 2024 میٹرک کے امتحانات کے نتائج کیسے چیک کریں؟

فیڈرل بورڈ آف انٹرمیڈیٹ اینڈ سیکنڈری ایجوکیشن نے ایس ایس سی پارٹ I اور II کے دوسرے سالانہ امتحانات 2024 کے نتائج کا باضابطہ اعلان کر دیا ہے۔

پرو پاکستانی کے مطابق ان امتحانات میں شامل ہونے والے طلبہ اب اپنے نتائج ویب سائٹ پر بھی دیکھ سکتے ہیں۔ یہ نتائج جمعرات14 نومبر 2024 کو جاری کیے گئے۔

رپورٹ کے مطابق ایس ایس سی پارٹ I اور II کے امتحانات طلبہ کے تعلیمی معیار اور مستقبل میں اعلیٰ تعلیم کے لئے ان کی تیاری کا جائزہ لیتے ہیں۔ یہ دوسرے سالانہ امتحانات ان طلبہ کے لئے ایک اہم موقع فراہم کرتے ہیں جو اپنے پچھلے اسکور کو بہتر بنانا چاہتے ہیں یا جنہیں مرکزی امتحانات میں مشکلات کا سامنا رہا۔

نتائج چیک کرنے کا طریقہ
طلبہ اپنے نتائج درج ذیل طریقوں سے چیک کر سکتے ہیں:
– www.fbise.edu.pk پر جا کر اپنے نتائج دیکھیں اور ڈاؤن لوڈ کریں۔
– https://result.fbise.edu.pk/ پر جاکر ایس ایس سی پارٹ I اور II کے دوسرے سالانہ امتحان 2024 کے نتائج کے لئے اپنا رول نمبر درج کریں۔
نتائج اور اپ ڈیٹس بورڈ کے سوشل میڈیا پلیٹ فارمز، جیسے فیس بک، ٹوئٹر اور انسٹاگرام پر بھی دستیاب ہوں گے۔
طلبہ مزید معلومات کے لئے آفیشل ہیلپ لائن 111-032-473 پر بھی رابطہ کر سکتے ہیں۔