گوگل نیوز پر ہمیں فالو کریںسابق وزیر دفاع پرویز خٹک انتقال کر گئے، یہ افواہ سوشل میڈیا پر وائرل ہوتے ہی شہریوں کی بڑی تعداد تعزیت کرنے کیلئے پرویز خٹک کے گھر پہنچ گئی جس پر پرویز خٹک سخت ناراض ہوئے اور غلط خبر چلانے پر تاریخی بد دعائیں بھی دیں۔
مقامی اخبار روزنامہ اوصاف کا اپنی رپورٹ میں کہنا ہے کہ بہت سے دوست احبناب نے بھی پرویز خٹک کو فون کیا اور ان کی خیریت دریافت کی۔ سوشل میڈیا پر جاری آڈیو پیغام میں سابق وزیر دفاع پرویز خٹک نے اپنے انتقال کی خبروں پر افسوس کا اظہار کیا۔
رپورٹ کے مطابق سابق وزیر دفاع پرویز خٹک نے سخت ردِ عمل دیتے ہوئے کہا کہ جس نے بھی میرے انتقال کی خبر چلائی اور میری موت کا جھوٹا پراپیگنڈہ کیا، اللہ کرے ان کے لیڈر کو کینسر ہوجائے اور وہ ایک ہفتے کے اندر اندر مر جائے۔
جس نے میرے انتقال کا پروپیگنڈہ کیا، اللہ کرے ان کے لیڈر کو کینسر ہوجائے اور اس سے مر جائے، سابق وزیر اعلی خبیر پختونخوا پرویز خٹک نے انتقال کی فیک خبر پر آڈیو پیغام جاری کردیا pic.twitter.com/LW9W6bQ4Dm
— Kamran Ali (@akamran111) October 12, 2024
بعض تجزیہ کاروں کا ماننا ہے کہ سابق وزیر اعلیٰ کے پی کے نے نام لیے بغیر پی ٹی آئی کارکنان پر اپنی موت کا الزام عائد کیا ہے۔ سوشل میڈیا پر حال ہی میں وائرل ہونے والی خبر میں یہ جھوٹا دعویٰ کیا گیا کہ کافی عرصے سے کینسر میں مبتلا پرویز خٹک انتقال کر گئے ہیں۔
خبر میں یہ بھی کہا گیا کہ اسلام آباد کے نجی ہسپتال میں گزشتہ 4روز سے پرویز خٹک کا اعلاج جاری تھا، تاہم پرویز خٹک کے قریبی ساتھی اور تحصیل میئر اسحاق خٹک کا کہنا ہے کہ سوشل میڈیا پر جاری پرویز خٹک کے انتقال کی خبریں بے بنیاد ہیں۔
