گوگل نیوز پر ہمیں فالو کریںسپریم کورٹ نے پاکستان تحریک انصاف (پی ٹی آئی) کے انتخابی نشان سے متعلق 13 جنوری کے فیصلے پر پی ٹی آئی کی نظر ثانی درخواست سماعت کے لیے مقرر کردی ہے، جس سے بظاہر پی ٹی آئی کے لئے امید کی کرن پیدا ہوئی ہے۔
نجی چینل جیو نیوز نے رپورٹ کیا ہے کہ پی ٹی آئی کے انٹرا پارٹی الیکشن کے حوالے سے فیصلے پر نظر ثانی درخواست کی سماعت 11 اکتوبر کو دن ساڑھے 11 بجے ہوگی۔
چیف جسٹس قاضی فائز عیسٰی کی سربراہی میں 13 جنوری کا فیصلہ دینے والا وہی 3 رکنی بینچ نظر ثانی درخواست کی سماعت کرے گا۔ بینچ کے دیگر ارکان میں جسٹس محمد علی مظہر اور جسٹس مسرت ہلالی شامل ہیں۔
خیال رہے کہ 13 جنوری کو سپریم کورٹ نے پاکستان تحریک انصاف کے انٹرا پارٹی انتخابات اور بلے کے انتخابی نشان کے کیس کا فیصلہ سناتے ہوئے پی ٹی آئی سے بلا واپس لینے کا فیصلہ سنایا تھا۔
