گوگل نیوز پر ہمیں فالو کریںامریکا میں شیڈول ٹی 20 ورلڈکپ میں پاک بھارت میچ کی ٹکٹ کی قیمت سن کر آپ کے ہوش اڑ جائیں گے۔
کیا آپ جانتے ہیں اس ہائی وولٹیج میچ کو براہ راست اسٹیڈیم سے دیکھنے کی قیمت آپ کی جیب پر کس قدر بھاری پڑنے والی ہے؟
ایک رپورٹ کے مطابق اس میچ کے ٹکٹ کی قیمت ری سیل سائٹس پر ایک کروڑ پاکستانی روپے سے زائد رکھی گئی ہے۔
میگا ایونٹ میں پاک بھارت ٹاکرا نیویارک میں شیڈول ہے۔ 9 جون کو شیڈول اس میچ کی کم سے کم آفیشل قیمت 6 ڈالر ہے۔
ری سیل مارکیٹ میں ٹکٹ دگنے یا اس سے بھی زائد ریٹ میں فروخت کیلیے پیش کی جارہی ہیں۔
ٹی20 ورلڈکپ میں پاک بھارت میچ کا وی آئی پی ٹکٹ 400 ڈالر کا ہے، لیکن ری سیل سائٹس پر اس کیلیے 40 ہزار ڈالر تک مانگے جارہے ہیں، اگر اس رقم کو پاکستانی روپے میں منتقل کیا جائے تو یہ ایک کروڑ گیارہ لاکھ سے زیادہ بنتی ہے۔
