گوگل نیوز پر ہمیں فالو کریںسوئی سدرن گیس کمپنی (SSGC) نے جمعہ کو کراچی کے کچھ حصوں کو گیس کی فراہمی معطل کرنے کے منصوبے کا اعلان کیا، جبکہ موسم سرماکے دوران کراچی کے رہائشیوں کو پہلے ہی گیس کی غیر اعلانیہ طویل لوڈشیڈنگ کا سامنا ہے۔
ایک بیان میں سوئی سدرن گیس کمپنی (SSGC) نے کہا کہ وہ 24 دسمبر (اتوار) کو گیس کی تقسیم کے بنیادی ڈھانچے کی ترقی کا کام کرے گی، جس کے نتیجے میں کچھ حصوں میں گیس کی فراہمی معطل ہو جائے گی۔
بیان میں لوڈشیڈنگ کے حوالے سے وضاحت کرتے ہوئے کہا گیا کہ ایس ایس جی سی گیس کی تقسیم کے بنیادی ڈھانچے کی ترقی کا کام کرے گا۔جس کے باعث سپلائی معطل رہے گی۔
کمپنی نے واضح کیا کہ اس کام کو انجام دینے کے لیے کورنگی کے صنعتی اور رہائشی علاقوں میں صبح 9 بجے سے رات 8 بجے تک گیس کی فراہمی معطل رہے گی۔
اس کے ساتھ ہی، تقریباً 13 گھنٹے تک، ڈیفنس ہاؤسنگ اتھارٹی کے کچھ حصوں میں گیس بھی معطل رہے گی۔
