گوگل نیوز پر ہمیں فالو کریںچین کے شہرلولیانگ میں ایک دفتر کی عمارت میں آگ لگنے کے باعث 26 افراد ہلاک اور متعدد زخمی ہوگئے۔
خبر رساں ایجنسی کے مطابق کوئلے کی کمپنی کی ملکیت والی عمارت میں آگ چوتھی منزل پر لگی، فائر بریگیڈ حکام نے کچھ گھنٹے بعد آگ پر قابو پالیا۔
حکام کا کہنا ہے کہ عمارت میں لگنے والی آگ کی وجہ جاننے کیلئے تحقیقات شروع کر دی گئی ہیں۔
ریسکیو حکام کے مطابق عمارت میں موجود 63 افراد کو باحفاظت باہر نکالا گیا، حادثے میں 26 افراد ہلاک ہوئے، ریسکیو کی کوششیں اب بھی جاری ہیں۔
دوسری جانب چینی صدر شی جن پنگ نے بھی واقعہ کی شفاف تحقیقات کا حکم دیا ہے۔
