گوگل نیوز پر ہمیں فالو کریںبالی ووڈ اداکارہ دپیکا پدوکون نے رنویر سنگھ کے بارے میں معروف ٹی وی شو کافی ود کرن میں گفتگو کی جس کے بعد سوشل میڈیا پر قیاس آرائیوں کا سلسلہ شروع ہوگیا۔
تفصیلات کے مطابق کافی ود کرن سیزن 8 کے پہلے ایپی سوڈ میں گفتگو کرتے ہوئے اداکارہ دپیکا پدوکون نے کہا کہ میں کچھ عرصے کیلئے غیر شادی شدہ ہی رہنا چاہتی تھی کیونکہ مجھے ماضی میں کافی الجھنوں کا سامنا کرنا پڑا۔
غزہ کی صورتحال دیکھ کر صدمے میں ہوں، بیلا حدید نے ایک بار پھر فلسطین کے حق میں آواز بلند کردی
گفتگو کے دوران اداکارہ دپیکا پدوکون نے کہا کہ میں ایسے ذہنی مرحلے سے گزر رہی تھی جب میں نے یہ سوچ اپنا لی کہ کسی بھی رشتے سے منسلک نہیں ہونا اور مجھے یہ اچھا لگ رہا تھا۔ میں نے اس وقت تک رشتہ قائم بھی نہیں کیا جب تک مجھے رنویر سنگھ نے نہیں کہا۔
اداکارہ دپیکا پدوکون نے کہا کہ اگر ہمیں دیگر لوگوں کو دیکھنے کی اجازت دی جاتی تو تکنیکی اعتبار سے بھی ہم ایک دوسرے کے قریب آتے رہتے۔
علیزہ سحر نے ویڈیو لیک کرنے والے کو بے نقاب کردیا
کافی وِد کرن میں دیا گیا بیان سوشل میڈیا پر وائرل ہوگیا۔ بہت سے سوشل میڈیا صارفین کا کہنا ہے کہ اداکارہ دپیکا نے بھی اپنے کھلے تعلقات کا اعتراف کیا ہے۔ دپیکا اعتراف کرچکی ہیں کہ انہوں نے رنویر سے ڈیٹنگ کے دوران دیگر افراد سے بھی تعلقات رکھے۔
دوسری جانب سوشل میڈیا صارفین میں شامل دپیکا پدوکون کے مداحوں کا کہنا ہے کہ پر عزم تعلقات اور دوستی کے مابین ایک مرحلہ ہوتا ہے جس سے دپیکا پدوکون بھی گزریں۔ واضح رہے کہ دپیکا اور رنویر سنگھ کی شادی 2018 میں ہوئی تھی۔
