گوگل نیوز پر ہمیں فالو کریںفلسطینیوں سے اظہارِ یکجہتی کرنے پر عالمی شہرت یافتہ امریکی ماڈل جی جی حدید اور ان کے اہل خانہ کودھمکی آمیز فون کالز موصول لگیں۔
بین الاقوامی خبر رساں ادارے کی رپورٹ کے مطابق جی جی حدید اور اہل خانہ دھمکی آمیز کالز کے باعث اپنے موبائل فون نمبرز تبدیل کرنے پر مجبور ہو گئے۔
اسرائیلی حکومت نے بھی انسٹاگرام اکاؤنٹ سے امریکی ماڈل کو فلسطینیوں کی حمایت کرنے پر تنقید کا نشانہ بنایا اور دھمکی دی۔
View this post on Instagram
اسرائیلی حکومت نے جیجی حدید کی فلسطینیوں کے حق میں کی گئیں پوسٹوں کا اسکرین شاٹس شیئر کرتے ہوئے لکھا کہ کیا تم پچھلے ہفتے سے سو رہی ہو یا یہودی بچوں کو قتل کیے جانے پر آنکھیں بند کر رکھی ہیں؟
جی جی حدید کو انسٹاگرام پوسٹ میں دھمکی دیتے ہوئے کہا گیا کہ تمہاری خاموشی واضح کرتی ہے کہ تم کس کی حمایت میں کھڑی ہو، ہم تمہیں دیکھ لیں گے۔
جیجی حدید کا شمار اُن فنکاروں میں کیا جاتا ہے جو دنیا بھر میں مسلمانوں پر ہونے والے مظالم کے خلاف اپنی رائے کا بغیر کسی دباؤ کے کھل کر اظہار کرتی ہیں۔
