گوگل نیوز پر ہمیں فالو کریںپاکستانی اداکارہ ماہرہ خان نے اپنی شادی سے قبل ہونے والی ایک اور پروقار تقریب “قوالی نائٹ” کی ویڈیو شیئر کردی۔
سوشل میڈیا پر رواں ماہ کے آغاز سے اداکارہ ماہرہ خان کی شادی کی تقریبات وائرل ہو رہی ہیں، شادی کی مختلف تقریبات کی تصاویر وقتاً فوقتاً سوشل میڈیا پر شیئر کی جا رہی ہیں۔
View this post on Instagram
شادی کی تصاویر کا سلسلہ یکم اکتوبر کی رات سے شروع ہوا جو تاحال جاری ہے اور اب اس میں ایک اور دلکش اضافہ کرتے ہوئے ماہرہ خان نے شادی سے قبل ہونے والی قوالی نائٹ کی تقریب کی ویڈیو بھی جاری کردی ہے۔
قوالی نائٹ پروگرام میں میں معروف گلوکارہ عابدہ پروین نے شرکت کی اور اپنے کلام “تو جھوم جھوم” سے مہمانوں سمیت ماہرہ خان کو بھی جھومنے پر مجبور کردیا۔
اس تقریب میں فواد خان، سرمد کھوسٹ، اذان سمیع خان، نینا کاشف، نبیل قریشی اور دیگر شعبوں کے نامور لوگوں نے شرکت کی۔
اس موقع پر ماہرہ خان نے سی گرین اور دھندلے گولڈ سے دیدہ زیب لباس زیب تن کیا جبکہ سلیم کریم نے سیاہ رنگ کی شلوار قمیض پر کوٹ زیب تن کر رکھا تھا۔
