گوگل نیوز پر ہمیں فالو کریںمعروف مصنف اور ڈرامہ نگار خلیل الرحمان قمر نے کہا ہے کہ مخلوط تعلیمی نظام معاشرے میں بگاڑ پیدا کررہا ہے۔
حال ہی میں خلیل الرحمان قمر نے ایک پروگرام میں شرکت کی جس میں انہوں نے تعلیمی نظام کے حوالے سے اپنی رائے دیتے ہوئے کہا کہ میں مخلوط تعلیمی نظام کے سخت خلاف ہوں، یہ معاشرے میں بگاڑ پیدا کررہا ہے اور بہت جلد اس کے اثرات سب کو نظر آئینگے۔
ماہرہ خان کے ساتھ اب کبھی بھی کام نہیں کرونگا، خلیل الرحمان قمر
انہوں نے مردوں کے بارے میں کہا کہ مرد خواتین کو اپنے فائدے کیلئے استعمال کرتے ہیں، اگر کوئی لڑکا مناسب عمر میں شادی نہیں کرتا تو اس کا مطلب یہی ہے کہ اس کی خواتین تک باآسانی رسائی ہے اور اس سے نقصان صرف خواتین کو ہی ہوتا ہے انھیں چاہئیے کہ وہ لڑکوں کو اُن کی حد میں رکھیں اور اپنی عزت کو محفوظ رکھیں۔
اس سے قبل ایک گفتگو کے دوران خلیل الرحمان قمر نے کہا تھا کہ میں عورت کو بانجھ نہیں مانتا۔ میں نے لکھا ہے کہ اگر عورت بے اولاد بھی ہو تو فطرتاً ماں ہوتی ہے۔ بے اولاد خاتون کے متعلق بات چیت بھی پہلے خواتین ہی شروع کرتی ہیں۔ ہمیں اپنے معاشرے کو اور خود کو دیکھنا ہوگا۔
ڈرامہ نگار خلیل الرحمان قمر نے کہا تھا کہ ہمیں یہ جھوٹ بولنا بند کرنا ہوگا کہ بیٹی بوجھ ہوتی ہے۔ بیٹی کی شادی کرنے پر کہا جاتا ہے کہ مبارک ہو، آپ کے سر سے بوجھ اتر گیا۔ میں پوچھتا ہوں کہ کس بات کا بوجھ تھا جو اتر گیا؟ پھر کہتے ہیں آج تیری ڈولی جارہی ہے، اب جنازہ آنا چاہئے۔
خلیل الرحمان قمر کے مطابق بیٹی کے جنازے کی بات کرنے والے کون لوگ ہیں؟ آپ نے اپنی بہنوں اور بیٹیوں کی بے عزتی کی ہے، جس کے نتیجے میں معاشرتی سیٹ اپ بے توقیر ہوجاتا ہے۔ لڑکی کی مرضی کے بغیر شادی کرنا ایسا ہے جیسے اسے جنسی زیادتی کیلئے کسی کے حوالے کرنا ہے۔
انہوں نے معاشرے کی عمومی روایات پر کڑی تنقید کرتے ہوئے کہا تھا کہ عمومی طور پر ہماری لڑکیاں بڑی ہمت والی ہوتی ہیں تاہم ان کی برداشت کچھ نہیں کرسکتی، وہ معاشرتی سیٹ اپ کی بربادی کا باعث بنتی ہیں۔
