گوگل نیوز پر ہمیں فالو کریںپاکستانی روپے کے مقابلے میں ڈالر کی قیمت میں کمی کا سلسلہ جاری ہے، امریکی ڈالر کی نئی قیمت 285روپے تک گر گئی۔
تفصیلات کے مطابق ڈالر مافیا کے خلاف کریک ڈاؤن سے روپے کی قدر مستحکم ہونے لگی۔ مسلسل 21ویں روز ڈالر کی قیمت میں تنزلی کا سلسلہ جاری ہے۔ آج کاروبار کے آغاز پر انٹر بینک میں ڈالر کی قیمت 77 پیسے کم ہوگئی۔
یہ بھی پڑھیں: ستمبر، پاکستانی روپے نے دنیا بھر کی کرنسیاں پیچھے چھوڑ دیں
ڈالر کی نئی قیمت 284روپے 95 پیسے پر آگئی۔ تجزیہ کاروں کا کہنا ہے کہ ڈالر کی اسمگلنگ روکنے اور کرنسی میں غیر قانونی سرمایہ کاری کی روک تھام کے نتیجے میں روپے کی قیمت مستحکم ہوئی جس کا سلسلہ جاری رہے گا۔
آج سے 2 روز قبل بھی پاکستانی روپے کی قدر میں بہتری دیکھی گئی، انٹربینک ٹریڈنگ میں امریکی ڈالر کے مقابلے میں روپے کی قدر میں 97 پیسے کا اضافہ ہوا اور ڈالر اس سے گزشتہ روز کے 287.73 روپے کے مقابلے میں 286.76 روپے پر بند ہوا۔
تاہم فاریکس ایسوسی ایشن آف پاکستان (ایف اے پی) کے مطابق اوپن مارکیٹ میں ڈالر کی خرید و فروخت کی شرح بالترتیب 283.7 روپے اور 286.5 روپے رہی۔ یورو کی قیمت 3 روز قبل 302.44 روپے کے مقابلے میں 46 پیسے بڑھ کر 302.90 روپے پر بند ہوئی۔
