گوگل نیوز پر ہمیں فالو کریںعالمی شہرت یافتہ کینیڈین گلوکار جسٹن بیبر کی ٹوکیو سے پاکستانی برانڈ کے کپڑوں میں تصاویر سوشل میڈیا پر وائرل ہوگئیں۔
شادی کی 5 ویں سالگرہ کے موقع پر جسٹن بیبر نے اپنے نئے منفرد اسٹائل سے اپنے مداحوں کو حیران کردیا۔
جسٹن بیبر نے اپنی انسٹا اسٹوری پر ٹوکیو سے اپنی کچھ نئی تصاویر شیئر کیں۔
ان تصاویر میں گلوکار کو پر سکون ماحول سے لطف اندوز ہوتے ہوئے دیکھا جاسکتا ہے۔
یہ تصاویر سوشل میڈیا پر وائرل ہونے کے بعد عقابی نظر رکھنے مداحوں نے فوراََ یہ بات نوٹس کرلی کہ جسٹن بیبر نے پاکستانی برانڈ ’راستہ‘ کی نئی کلیکشن کی گلابی رنگ کی کڑھائی والی شرٹ پہنی ہے۔
ہر گزرتے دن کے ساتھ پاکستانی فیشن انڈسٹری عالمی سطح پر اپنی خاص شناخت بنا رہی ہے۔
یاد رہے کہ جسٹن بیبر سے پہلے بھی کئی معروف شوبز شخصیات نے اہم تقریبات میں شرکت کے لیے پاکستانی ڈیزائنرز کے ملبوسات کا انتخاب کرتے نظر آئے ہیں۔
