گوگل نیوز پر ہمیں فالو کریںاسلام آباد: ملکی حالات کے پیش نظر 95 فیصد پاکستانی بے روزگاری کے خوف میں مبتلا ہیں جبکہ صرف 5 فیصد کو روزگار محفوظ ہونے کا یقین ہے۔
اپسوس پاکستان نے عوام کی آرا پر مبنی نیا سروے جاری کردیا جس کے مطابق گزشتہ ایک سال میں بے روزگار ہونے کا کہنے والے پاکستانیوں کی شرح میں بھی واضح اضافہ ہوا ہے۔
سروے کے مطابق 95 فیصد پاکستانی ملکی حالات کے باعث بے روزگاری کے خوف میں مبتلا ہیں جبکہ صرف 5 فیصد کو روزگار محفوظ ہونے کا یقین ہے۔
عوام کیلئے ایک اور بری خبر، پیٹرولیم مصنوعات کی قیمتوں میں بڑا اضافہ متوقع
سروے میں 63 فیصد نے خود کی یاکسی جاننے والے کی نوکری ختم ہونے کا کہا اور 99 فیصد نے روز مرہ استعمال کی اشیاء کی خریداری میں مشکل ہونے جب کہ 99 فیصد نے ہی گھر یاگاڑی جیسی خریداری کےبارے میں پُر اعتماد نہ ہونے کا کہا ۔
سروے کے مطابق 96 فیصد پاکستانی مستقبل میں مالی ضروریات پوری کرنے کےلیے بچت اور سرمایہ کاری کی سکت نہ ہونے کا اظہار کرتے نظر آئے۔
