بھارت میں خاموشی، ویتنام میں پریس کانفرنس، سوچا نہیں تھا امریکی صدر بزدل ہوگا۔بھارتی پروفیسر

اسٹاک ہوم: امریکی صدر نے دورۂ بھارت کے موقعے پر اقلیتی اور انسانی حقوق کی دیگر خلاف ورزیوں پر منہ نہ کھولا تاہم ویتنام میں پریس کانفرنس کرتے ہوئے انسانی حقوق کی خلاف ورزیوں کا ذکر کیا جس پر بھارتی پروفیسر اشوک سوائن کا کہنا ہے کہ سوچا نہیں تھا امریکی صدر اتنا بزدل نکلے گا۔

سماجی رابطے کی ویب سائٹ ٹوئٹر پر اپنے پیغام میں بھارتی تجزیہ کار و پروفیسر اشوک سوائن نے کہا کہ بھارت میں جو بائیڈن نے اپنا منہ نہیں کھولا اور پھر ویتنام جا پہنچے اور وہاں پریس کانفرنس کر ڈالی۔

یہ بھی پڑھیں:

جی 20 کو بھارت میں اقلیتوں کی فکر نہیں، ارون دھتی رائے

ٹوئٹر پیغام میں پروفیسر اشوک سوائن نے کہا کہ پریس کانفرنس کے دوران امریکی صدر نے کہا کہ میں نے بھارت میں نریندر مودی کے سامنے انسانی حقوق اور آزادئ اظہارِ رائے پر گفتگو اور تشویش کا اظہار کیا ہے۔

بھارتی تجزیہ کار پروفیسر اشوک سوائن کا کہنا ہے کہ میں نے کبھی سوچا بھی نہیں تھا کہ امریکی صدر اتنے بزدل نکلیں گے کہ ان سے مودی کے سامنے آزادئ اظہارِ رائے اور انسانی حقوق کی خلاف ورزیوں پر گفتگو بھی نہ ہوپائے گی۔ 

Biden didn’t open his mouth in India, went to Vietnam, did a press conference, and said he raised concerns his about human rights &free press in India with Modi. Never thought an American President would be such an wimp! pic.twitter.com/Gf8ECGteT9

— Ashok (@ashoswai) September 10, 2023

خیال رہے کہ امریکا ”چائنہ کنٹینمنٹ پالیسی“ کے تحت بھارت کو خطے کا تھانیدار بنانے کیلئے کوشاں ہے جس کیلئے انسانی حقوق کی خلاف ورزیوں اور مسئلۂ کشمیر کو جان بوجھ کر نظر انداز کرتے ہوئے عالمی میڈیا کے سامنے جھوٹا پراپیگنڈہ کیا جاتا ہے۔