گوگل نیوز پر ہمیں فالو کریںکراچی: بیوی سے ہونے والی مبینہ تکرار کے باعث شوہر نے گاڑی میں خود کو گولی مار کر شدید زخمی کرلیا۔
پولیس ذرائع کا اس حوالے سے کہنا ہے کہ واقعہ نیوٹاؤن کے علاقے میں پیش آیا جہاں مبینہ طور پر بیوی سے جھگڑے کے دوران شوہر نے اپنے سینے پرگولی مار لی۔
پولیس کے مطابق افسوسناک واقعے میں زخمی ہونے والے شہری کو اسپتال منتقل کردیا گیا ہے اور گاڑی سے اسلحہ برآمد کرلیا گیا ہے۔
مزید پڑھیں:ٹول ٹیکس کیوں مانگا؟ کراچی ٹول پلازہ پر کار سوار کی کیشیئر پر فائرنگ
ذرائع کے مطابق زخمی شخص کی شناخت سعود کے نام سے کی گئی ہے جوکہ تجارت کے پیشے سے وابستہ ہے۔ مذکورہ شخص کے اہل خانہ نے پولیس کو اپنے بیان میں بتایا کہ سعود گزشتہ ایک ماہ سے ڈپریشن کا شکار تھا۔
