گوگل نیوز پر ہمیں فالو کریںکراچی: رینجرز اور سندھ پولیس نے مشترکہ کارروائی کرتے ہوئے سنگین وارداتوں میں ملوث 12 ملزمان کو گرفتار کرلیا ہے۔
انٹیلی جنس معلومات پر رینجرز اور پولیس کی جانب سے سٹریٹ کریمنلز، منشیات فروشوں، غیر قانونی اسلحہ رکھنے والے ملزمان کیخلاف مشترکہ سرچ اور کومبنگ آپریشن کراچی کے علاقے مواچھ گوٹھ کیماڑی میں کیا گیا اس دوران 12 ملزمان کو حراست میں لیا گیا ہے۔
ترجمان رینجرز کے مطابق ملزمان سے ایک 12بور رائفل، دو 30 بور پستول، 60 کلو گرام سے زائد گٹکا ماوا، چوری شدہ موٹر سائیکل برآمد ہوئے، گرفتار ملزمان کو اسلحہ و ایمونیشن، منشیات اور موٹر سائیکل کے ساتھ مزید قانونی کارروائی کیلئے پولیس کے حوالے کر دیا گیا۔
دوسری جانب پولیس کی جانب سے نارتھ ناظم آباد بلاک ایس اور نصرت بھٹو کالونی میں بھی کومبنگ آپریشن کیا گیا، اس دوران گھر گھر تلاشی کے دوران متعدد مشتبہ افراد کو حراست میں لیا گیا۔
سی ٹی ڈی کے 3 اہلکاروں کیخلاف ڈکیتی کا مقدمہ درج کرلیا گیا
پولیس ذرائع کا کہنا ہے کہ آپریشن کے دوران تلاش ڈیوائس کی مددسے بائیو میٹرک ویری فیکیشن بھی کی گئی، آپریشن کے دوران 2مسروقہ موٹر سائیکلیں بھی بر آمد کرلی گئیں۔
پولیس نے تصدیق کے بعد 5 ملزمان کوحراست میں لے لیا ہے، گرفتار ملزمان میں رفعت اللہ، صابر، بہادر، رحمان گل اورعثمان شاہ شامل ہیں، جبکہ ملزمان کیخلاف ضابطے کی کارروائی عمل میں لائی جارہی ہے۔
