توشہ خانہ کیس میں سزا، عمران خان کو کوٹ لکھپت جیل منتقل کردیا گیا

لاہور: توشہ خانہ کیس میں چیئرمین پی ٹی آئی عمران خان کو گرفتار کرلیا گیا، عدالت نے توشہ خانہ کیس میں چیئرمین پی ٹی آئی کے وارنٹ گرفتاری جاری کئے تھے۔

ذرائع کا کہنا ہے کہ پی ٹی آئی چیئرمین کو گرفتار کرنے کے بعد کوٹ لکھپت جیل منتقل کردیا گیا ہے۔

قبل ازیں اسلام آباد کی عدالت نے توشہ خانہ کیس میں چیئرمین تحریک انصاف عمران خان کو تین سال قید کی سزا سنائی تھی جس کے بعد پولیس کی نفری لاہور میں عمران خان کی رہائش گاہ زمان پارک پہنچی۔

یہ بھی پڑھیں:

عمران خان کی گرفتاری، حریم شاہ کا ویڈیوز اپ لوڈ کرنیکی دھمکی پر عمل کا اعلان

عمران خان کی گرفتاری کے بعد وفاقی دارالحکومت اسلام آباد میں سیکورٹی ہائی الرٹ کردی گئی۔

ذرائع کے مطابق پولیس کی جانب سے مختلف ناکوں پر اضافی نفری تعینات کردی گئی۔ایف سی اور رینجرز اہلکاروں نے مرکزی شاہراہوں میں گشت شروع کردیا ہے۔

ذرائع کا کہنا ہے کہ پولیس کی جانب سے شہر میں سرگرم سیاسی کارکنان کی فہرستیں مرتب کی گئی ہیں، ممکنہ احتجاج کی صورت میں کارکنان کے خلاف کریک ڈاؤن کا امکان ہے۔