گوگل نیوز پر ہمیں فالو کریںاسلام آباد: 9 مئی کے واقعات پر ذمہ داروں کیخلاف آرمی ایکٹ کے تحت کارروائی کی قومی اسمبلی اجلاس میں قرار داد متفقہ طور پر منظور کر لی گئی۔
وزیر دفاع خواجہ محمد آصف نے اسپیکر راجہ پرویز اشرف کے زیر صدارت ہونیوالے قومی اسمبلی اجلاس میں پی ٹی آئی چیئرمین کی 9 مئی کو القادر ٹرسٹ کیس میں گرفتاری کے بعد تحریک انصاف کی جانب سے ملک بھر میں کیے جانے والے پرتشدد مظاہروں کیخلاف مذمتی قرارداد پیش کی۔
قرار داد کے متن کے مطابق پرتشدد واقعات میں ملوث عناصر، ان کے معاون اور مددگاروں کے خلاف پاکستان آرمی ایکٹ کے تحت کارروائی کی جائے،9 مئی کے واقعات سے دنیا بھر میں پاکستان کا تشخص متاثر ہوا۔
مزید پڑھیں:شہداء کی قربانیاں اور غازیوں کی خدمات ہمارا قیمتی اثاثہ ہیں، آرمی چیف
قرار داد میں کہا گیا کہ 9مئی حملوں کے مقدمات موجودہ قوانین کے مطابق چلیں گے،ایوان افواج پاکستان کیساتھ مکمل یکجہتی کرتاہے، مقدمات آرمی ایکٹ اورانسداددہشتگردی ایکٹ کے تحت چلیں گے۔
